नेपाल प्रहरीे अपराध अनुसन्धानमा अब्बलः मुख्यमन्त्री जम्कट्टेल

३० असोज,हेटौँडा । बागमती प्रदेशका मुख्यमन्त्री शालिकराम जम्कट्टेलले नेपाल प्रहरीे अपराध अनुसन्धानमा अब्बल रहेको बताएका छन् । मंगलबार ६८ औँ प्रहरी दिवसको अवसरमा बागमती प्रदेश प्रहरी कार्यालय हेटौँडामा आयोजित कार्यक्रमलाई सम्बोधन गर्दै मुख्यमन्त्री जम्कट्टेलले अग्रमोर्चामा रहेर शान्ति सुरक्षाको व्यवस्थापन गरिरहेका नेपाल प्रहरी अपराध अनुसन्धानमा अब्बल रहेको कुरा उदघोषक गरेका हुन् । 
कार्यक्रमलाई सम्बोधनका बोल्दै मुख्यमन्त्री जम्कट्टेलले देशको शान्ति सुरक्षा कायम नेपाल प्रहरी सक्षम रहेको  र बागमती प्रदेश सरकारपनि प्रहरीलाई सक्षम बनाउन लागि परेको बताएका छन् । उनले अहिले सामाजिक संजालका कारण नकारात्मक प्रचारमा बृद्धि भएको र त्यस कार्यलाई रोकथाम गर्न चुनौति रहेको भन्दै प्रहरी संगठनलाई समय सापेक्ष रुपान्तरण हुन आवश्यक रहेको बताए । 
त्यसैगरी ६८ औँ प्रहरी दिवसको अवसरमा बागमती प्रदेश प्रहरी कार्यालय हेटौँडामा आयोजित कार्यक्रमलाई बागमती प्रदेशका आन्तरिक मामिला तथा कानून मन्त्री गंगानारायण श्रेष्ठले पनि सम्बोधन गरेका थिए । कार्यक्रममा बोल्दै मन्त्री श्रेष्ठले देशमा आउने माहमारी,विपत जस्ता संकटमा नेपाल प्रहरीको भूमिका निकै रहेको बताए । बागमती प्रदेशका आन्तरिक मामिला तथा कानून मन्त्री रहेका श्रेष्ठ प्रदेश प्रहरी एन नबन्दा प्रहरी समायोजना समस्या देखिएको बताएका छन् ।