मनकारी कोभिड रेन्सपोन्स टिम जस्ले दियो क्यान्सर पिडितलाई ६१ हजार

१२ पुस, हेटौंडा। कोरोनाको महामारीको समयमा हेटौंंड-६/७/१६/१७ नम्बर वडामा रेन्सपोन्स गरी कोभिडको जोखिमबाट बिरामीलाई जोगाएको  र राहत सामग्री सहयोग गरी नाम कमाएको स्थानीय कोभिड रेन्सपोन्स टीमले  हेटौडा ६ का  एक क्यान्सर पिडितलाई नगद आर्थिक सहयोग गरेको छ ।

रेन्सपोन्स टिमले हेटौडा–६, चौघडा निवासी क्यान्सर पिडित मान कुमारी चौलागाईलाई  उपचारको लागि नगद ६१ हजार ८ सय ४० रुपैयाँ सहयोग गरेको हो ।विरामीलाई उपचारमा सहज होस भन्दै कोभिड रेन्सपोन्स टीमको तर्फबाट २० हजार र अन्य व्यक्तिको सहयोगमा संकलन गरिएको ४० हजार ८४० रुपैयाँ उनलाई हस्तान्तर गरिएको मान कुमारी चौलागाई बचाउ अभियानका संयोजक केशव धितालले जनाएका छन् ।संकलित रकम हेटौडा–६ का निवर्तमान अध्यक्ष एवम भूमि आयोग मकवानपुका विज्ञ सदस्य अर्जुन प्रसाद चौलागाईले पिडितका श्रीमान सोमहरि चौलागाईलाई हस्तान्तरण गरेका थिए।क्यान्सर पिडित चौलागाईको हाल विपी कोइराला मेमोरियल क्यान्सर हस्पिटल चितवनमा उपचार भैरहेको छ ।राज्यको नजर नपुगेको अवस्थामा टिमबाट प्राप्त सहयोगले श्रीमतीको उपचारमा ईट्ट थपिएको  पिडितका श्रीमान सोमहरी चौलागाईले बताएका छन्। आर्थिक अभावका कारण उपचार गर्न जान नपाएको दुखेसो पोखेका चौलागाईंले गहभरी आशु पार्दै छिट्टै वि पि कोइराला क्यान्सर अस्पताल लगेर श्रीमतीको उपचार गर्ने बताए। विश्वमा फैलिएको कोभिडको समयमा कोभिड पिडितको उपचार र सहयोग गर्ने उद्धेश्यले स्थापित यो टीमले भविष्यमा सामाजिक कार्य,  दुःख र विभिन्न प्रकारका रोगबाट थलिएका र उपचार गर्न नसक्ने ब्यक्तिहरुलाई सहयोग गर्ने योजना रहेको टीमका सदस्य भरत सापकोटाले बताएका छन्।