बालकुमारी घटना: डिएसपी र अंगरक्षक निलम्बित, एससपी र सिडिओ हेडक्वार्टर तानिए

१४ पुस हेटौंडा। सरकारले शुक्रबार ललितपुरको बालकुमारी २ जनाको मृत्यु भएको घटनामा संयमता कायम नगरेको भन्दै फिल्डमा खटिएका डिएसपी भौतिक पूर्वाधार तथा यातायात मन्त्री प्रकाश ज्वालाको अंगरक्षकलाई  निलम्बित गरिएको छ भने ललितपुरका प्रहरी प्रमुख एससपी र प्रमुख जिल्ला अधिकारी (सिडिओ) हेडक्वार्टर तानिएका छन्। 

घटनामा संयमता कायम नगरेको भन्दै प्रहरी प्रभाव सातदोबाटोका प्रमुख प्रहरी नायब उपरीक्षक (डिएसपी) उमेश जोशी र मन्त्री प्रकाश ज्वालाका पिएसओ प्रहरी नायब निरीक्षक (सई) बोधराज दनुवारलाई निलम्बन गरेको हो। 

शनिबार बिहान प्रधानमन्त्री निवास बालुवाटारमा प्रधानमन्त्री पुष्पकमल दाहाल प्रचण्ड, गृहमन्त्री नारायणकाजी श्रेष्ठसहित बसेको सुरक्षा अधिकारीहरूको बैठकले उनीहरूलाई कारबाही गर्न निलम्बन गरेको हो। 

त्यसैगरी घटनाको समयमा गैर जिम्मेवार देखिएको भन्दै बैठकले ललितपुरका प्रहरी प्रमुख वरिष्ठ प्रहरी नायव उपरीक्षक (एसएसपी) शिद्धिविक्रम शाहलाई प्रहरी प्रधान कार्यालय हेडक्वार्टर र प्रमुख जिल्ला अधिकारी(सिडिओ) रूद्रप्रसाद पण्डितलाई सोधपुछका लागि गृह मन्त्रालय तानेको छ भने इपिएस शाखाका निर्देशक गुरूदत्त सुवेदीलाई सरूवा गर्ने निर्णय गरेको छ । उक्त घटना प्रहरीको गोली लागेर २ युवकको ज्यान गएको थियो।