जनगुनासोलाई सम्बोधन गर्न र अपराध नियन्त्रणामा प्रतिबद्ध छौं-डीआईजी केसी

बागमती प्रदेश प्रहरी प्रमुख डीआईजी बिष्णु बहादुर केसी

१४ माघ, हेटौंडा । दुई साता अघि बागमती प्रदेश प्रहरी कार्यालय हेटौँडाको नेतृत्व समाल्न हेटौँडा आइपुगेका  प्रहरी नायब महानिरिक्षक(डिआईजी) बिष्णु कुमार केसीले बागमती प्रदेश प्रहरी कार्यालय प्रहरीबाट हुने गरेका कमिकमजोरीका साथै जनसमुदायबाट आएको जनगुनासोलाई सम्बोधन गर्न र प्रदेशमा हुने अपराध नियन्त्रण गर्नका लागि प्रतिबद्ध रहेको बताएका छन्। 
परिचयात्क कार्यक्रममा मकवानपुरे पत्रकारहरुले प्रदेशको राजधानी हेटौँडामा चुनौतीको रुपमा रहेको ट्राफिक व्यवस्थापन, पत्रकारले सहज रुपमा सुचना प्राप्त गर्न परेको कठिनाई, लागूऔषधको ओसार पसार र त्यसको नियन्त्रण,टिपरको आभोरलोडबाट देखा परेको समस्या, सुमो काउन्टरको व्यवस्थापन,जथामावी नदिजन्य पर्दाथको दोहन जस्ता विषयमा  डिआईजी के सीलाई प्रश्न गरेका थिए ।  
पत्रकारको प्रश्नमा डिआईजी के सीले ट्राफिक व्यवस्थापन, लागूऔषधको ओसार पसार र त्यसको नियन्त्रण,टिपरको आभोरलोडबाट नियन्त्रण, सुमो काउन्टरकाके व्यवस्थापन,जथामावी नदिजन्य पर्दाथको दोहन जस्ता समस्या समाधानमा आफुले एक्सन लिने प्रतिवद्धता व्यक्त गरेका थिए । 
उनले यस्या समस्या नियन्त्रणमा सग्रज संचारजगतको पनि आवश्यकता र समन्वय रहने हुदा यसको नियन्त्रणमा राज्यको चौथो अंगको रुपमा रहेको संचारजगतको पनि भुमिका रहने हुदा,प्रदेश प्रहरी कार्यालयलाई पत्रकार तथा संचारमाध्यको साथ आवश्यक पर्ने हुदाँ सहकार्यका लागि आग्रह गरेका छन् । 

कार्यक्रममा प्रदेश प्रहरी प्रवक्ता वरिष्ठ प्रहरी उपरीक्षक रवि कुमार पौडेल, नेपाल पत्रकार महासंघ बागमती प्रदेशका उपाध्यक्ष रुपेश दुलाल, नेपाल पत्रकार महासंघ बागमती प्रदेशका निवर्तमान अध्यक्ष प्रताप बिष्ट, पत्रकार महासंघ मकवानपुर अध्यक्ष मणिराज गौतम, प्रदेश प्रहरीमा प्रहरी नायव उपरीक्षक मधु कुमार थापा लगायत मकवानपुरको विभिन्न संचारगृहका कार्यरत पत्रकारहरुको सहभागिता रहेको थियो ।