मनहरीमा जलवायु परिवर्तन सम्बन्धि सचेतनामुलक प्रशिक्षण

१ फागुन, हेटौंडा। मनहरी गाउँपालिकाका सीमान्तकृत समुदायलाई जलवायुु परिवर्तनको  सामना गर्न सशक्तिकरण प्रशिक्षण प्रदान गरिएको छ ।हिमराईट्स मकवानपुरको आयोजना र फ्रेन्ड्स अफ नेपालको सहयोग र  मनहरी गाउँपालिकाले समन्वयमा कार्यक्रमको आयोजना गरिएको हो ।

कार्यक्रममा १ देखि ९ नम्बर वडामा बसोबास गर्ने करिब ३० जना सीमान्तकृत अगुवाहरुको सहभागिता रहेको थियो । पछिल्लो समय चुनौतीको रुपमा रहेको जलवायु परिवर्तन र यसको न्युनिकरणका प्रयासहरुको विषयमा प्रशिक्षण दिईएको हो ।
२ दिने प्रशिक्षण कार्यक्रम पश्चात् मंगलबार संवाद कार्यक्रमको आयोजना गरिएको थियो। कार्यक्रममा उपस्थित सीमान्तकृत समुदायका प्रतिनिधीहरुले आफ्नो समुदायले भोगेको समस्याहरुको विषयमा गाउँपालिकाका जनप्रतिनिधिसँग संवाद गरेका थिए । संवाद कार्यक्रममा मनहरी गाउँपालिका वडा नं १ बाट सोम लक्ष्मी प्रजा, ३ नं वडाबाट डिलमाया प्रजा, धनमाया प्रजा, तुल बहादुर सुनार , वडा नं ४ का मनिषा प्रजा, वडा नं ६ का गोपीलाल घलान, राम माया प्रजा र वडा नं ९ का सरिता प्रजा लगायतले समस्या राखेका थिए । कार्यक्रममा 
गाउँपालिका उपाध्यक्ष सीता पुलामी मगर, प्रमुख प्रसाशकीय अधिकृत रमेश सुवेदी, वन वातावरण तथा विपद व्यवस्थापन समिति संयोजक राजकुमार श्रेष्ठ, सामाजीक विकास समिति संयोजक अनन्त प्रकाश अर्याल र सामाजीक विकास शाखा प्रमुख ज्ञानेन्द्र ढकालको आतिथ्यता रहेको थियो ।
कार्यक्रममा उठेका विषयहरुलाई आगामी आर्थिक वर्षको नीति तथा कार्यक्रममा समावेश गरी वजेट छुट्याएर प्रभावकारी कार्यक्रमहरु ल्याउने सरोकारवालाहरुको भनाई थियो । 

हिमराईट्स नेपालका केन्द्रिय संस्थापक अध्यक्ष अन्जना शाक्यको सभाध्यक्षतामा सन्चालीत उक्त कार्यक्रमलाई गाउँपालिकाका स्रोत शिक्षक विदुर थापाले सहजिकरण गरेका थिए । कार्यक्रममा हिमराईट्स मकवानपुरका अध्यक्ष कुमारी वाईबा, माईती नेपालका माया लामा लगायतको सहभागीता रहेको थियो ।कार्यक्रमको  निर्मल चोङवाङले प्रशिक्षण दिएका  थिए ।