शिक्षक संघ मकवानपुरको २२ औं जिल्ला प्रतिनिधिसभा सम्पन्न

१२ फागुन, हेटौंडा। नेपाल शिक्षक संघ मकवानपुरको २२ औं जिल्ला प्रतिनिधि सभा शनिवार हेटौंडामा सम्पन्न भएको छ ।
शिक्षक संघ मकवानपुरका अध्यक्ष गणेश प्रसाद हुमागाईको सभाध्यक्षतामा भएको कार्यक्रममा नेपाली कांग्रेसका सहमहामन्त्री तथा संघीय शिक्षा विकास समितिका सदस्य बद्री पाण्डेको प्रमुख आतित्थ्यता रहेको थियो । कार्यक्रमलाई सम्बोधन गर्दै प्रमुख अतिथि पाण्डेले समितिमा पुगेको शिक्षा ऐन छिट्टै पास हुने उद्घोष गरेका थिए।उनले शिक्षकहरुका वषौदेखि चेपुवामा परेको र नयाँ ऐन जारी भएसंगै शिक्षकको समस्याले निचोड पाउने बताएका छन्।
उक्त अवसरमा संघका  सचिब श्रीराम लुइँटेलले संघको प्रगति प्रतिवेदन र सचिब अर्थ धन बहादुर लामाले आर्थिक प्रतिवेदन प्रस्तुत गरेका थिए। 
कार्यक्रममा नेपाली कांंग्रेस मकवानपुरका सभापति बुद्ध लामा, पूर्व सभापति रघुरमण न्यौपाने, रामचन्द्र अर्याल माइकल, नेपाल शिक्षक संघका केन्द्रीय सदस्य रामकुमार अधिकारी, नेपाल पत्रकार महासंघ बागमती प्रदेशका उपाध्यक्ष रुपेश दुलाल,नेपाल पत्रकार महासंघ मकवानपुरका अध्यक्ष मणीराज गौतम, शिक्षा विकास समन्वय ईकाइ मकवानपुरका प्रमुख दीनानाथ गौतम, शिक्षक संघ बागमती प्रदेशका निवर्तमान वरिष्ठ उपाध्यक्ष दिपकलाल खतिवडा, कांग्रेस मकवानपुरका उपसभापति आनन्द कठायत, सचिब इश्वर पाठक, सहसचिब इन्दिरा न्यौपाने, क्षेत्र नम्बर–१ का सभापति दामोदर खनाल लगायतको उपस्थिति रहेको थियो।कार्यक्रममा मकवानपुरका दश वटै स्थानीय तह अन्तर्गत शिक्षक संघका पदाधिकारीहरुको उल्लेखनीय उपस्थिती रहेको थियो ।