आँचलको मासिक भेटघाट तथा रचना वाचन कार्यक्रम सम्पन्न

२० फागुन, हेटौंडा । मकवानपुरका नारी साहित्यकारहरुको अग्रणी संस्था आँचल साहित्य कला पुञ्जले शनिवार आफ्नो नियमित मासिक भेटघाट तथा रचना वाचन कार्यक्रमको आयोजना गरेको छ  ।११४ ओैँ अन्तर्राष्ट्रिय नारी दिवसको सन्दर्भमा महिलामा लगानीः सभ्य र समुन्नत समाजको थालनी भन्ने नाराका साथ आँचलले नियमित मासिक भेटघाट एवं रचना वाचन कार्यक्रमको आयोजना गरेको हो ।
आँचलकी जिल्ला अध्यक्ष भावना सापकोटाको सभाध्यक्षतामा भएको कार्यक्रममा बुढ्यौली साहित्य समाज मकवानपुरका अध्यक्ष आर.सि रिजालको प्रमुख आतित्थ्यता रहेको थियो । यस्तै अग्रज साहित्यकार तुलसी घिमिरे, सर्जक सञ्जाल मकवानपुरका संयोजक निमेष निखिल, महाकाव्यकार मुना अर्याल लगाएतको विशिष्ट आतित्थ्यता रहेको थियो ।
कार्यक्रममा मुक्ति गोविन्द वैद्य, हरिवंश भेटवाल, विष्णु प्रसाद गौतम, एस.के. निधन, संप्रस पौडेल, अभिमन्यु गौतम, श्याम श्रेष्ठ, मिथिला अधिकारी, सम्झना अधिकारी, अनिल कोइराला, रोश्नी चौलागाईँ, स्वस्तिका दाहाल, प्रविना प्रयासी, अनु रोक्का, सविता तिमल्सिना, शोभा थापा  लगाएतले रचना वाचन गरेका थिए ।
एलिजा पुडासैनीले सहजीकरण गरेको कार्यक्रममा सिस्नुपानी नेपाल मकवानपुरका अध्यक्ष राजकुमार लामिछाने, नेपाली लेखक संघ मकवानपुरका छवि अनित्य, लघुकथा चौतारी नेपाल, मकवानपुरका अध्यक्ष किशन पौडेल, साहित्य संगम मकवानपुरका उपाध्यक्ष सानू खनाल, मातृभूमि साहित्य समाज मकवानपुरकी सचिव मञ्जु खराल, मुक्तक मञ्च मकवानपुरका सचिव सुवास सजल, सविता तिमल्सिना, अनु रोक्का, भवानी तिमल्सिना, निर्मला व्लोन  लगाएतको आतित्थ्यता रहेको कार्यक्रममा वचान गरिएको रचनामाथी निमेष निखिलले समिक्षात्मक टिप्पणी गरेका थिए ।