चौघडामा डढेलाे नियन्त्रणका लागि सचेतनामुलक र्याली

३ चैत, हेटाैडा । चैत महिना सुख्खा महिना हो भने  अहिले वनजंगलमा डढेलो लाग्ने क्रममा वृद्धि भइरहेको छ। यसै क्रममा जङगलाई डढेलाेबाट बचाउ भन्ने नाराका साथ शनिवार चाैघडामा सचेतनामुलक  र्यालीकाे आयाेजना गरिएको छ ।

डिभिजन वन कार्यालय मकवानपुर र सव डिभिजन वन कार्यालय, हेटाैडाकाे संयुक्त आयाेजनामा र्याली  आयाेजना गरिएको हाे । सचेतनामुलक र्याली चाैघडा बजारबाट  शुरु भै हेटौंडा ७ न्युरेनी, चिसापानी चोकमा पुगेर सभामा परिणत भएकाे थियाे । 

कार्यक्रममा डिभिजन वन कार्यालय, मकवानपुरका  प्रमुख राकेश प्रसाद चद्रबंशीले वनलाई  डढेलाेबाट बचाउन सबैकाे साथ र सहयाेग गर्नु पर्ने बताएका छन् । कार्यक्रममा  सामुदायिक  वन उपभोक्ता  महासंघका केन्द्रीय  सदस्य रामहरि चाैलागाई, फेकोफन मकवानपुर अध्यक्ष  साधुराम चाैलागाई, सव डिभिजन  वन कार्यालय, हेटाैडाकी अधिकृत सविना रिजाल, फरेष्टर यदु कुमार घिमिरे, रानी सामुदायिक  वनका अध्यक्ष  विष्णुप्रसाद  न्याैपाने, चित्रेपानी सामुदायिक  वनका अध्यक्ष  सूर्य बहादुर घलान, न्यूरेनी चिसापानी  सामुदायिक  वनका अध्यक्ष  प्रकाश कार्की  लगायतले वनडढेलाे नियन्त्रण  गर्न सबै एकजुट हुनु पर्ने बताएका छन्।  र्यालीमा रानी, चित्रेपानी, न्यूरेनी चिसापानी सामुदायिक  वनका उपभोक्ता  र वनका कर्मचारीकाे उल्लेख्य सहभागिता थियाे ।