हेटौंडा ६ पिस पार्कमा वन मन्त्रीद्वारा सालकको प्रतिमा अनावरण

४ जेठ, हेटौडा । हेटौडा–६ चौघडामा रहेको रानी सामुदायिक वन उपभोक्ता समूहले पिस पार्कमा निर्माण गरेको सालकको प्रतिमाको शुक्रवार अनावरण गरिएको छ ।

बागमती प्रदेशको वन तथा वातावरण मन्त्री केशव प्रसाद पोखरेलले एक समारोहका बीच प्रतिमाको अनावरण गरेका हुन्। प्रतिमा अनावरण कार्यक्रममा बोल्दै  मन्त्री पोखरेलले वनको उचित ब्यवस्थापन गरि रोजगारी सिर्जना गर्नु पर्ने कुरामा जोड दिएका थिए।

कार्यक्रममा डिभिजन वन प्रमुख राकेश प्रसाद चन्द्रवंशीले वनलाई उत्पादनमा जोड्नु पर्ने बताए । कार्यक्रममा हेटौडा–६ का वडा अध्यक्ष विष्णु बहादुर दाहाल, वनस्पति अनुसन्धान केन्द्र मकवानपुरका वरिष्ट अधिकृत जयराम पराजुली, वनस्पति विभागमा ज्ञानभक्त महर्जन, सामुदायिक वन उपभोक्ता महासंघका केन्द्रीय सदस्य रामहरि चौलागाई, मकवानपुर अध्यक्ष साधुराम चौलागाई, निवर्तमान वडा अध्यक्ष अर्जुनप्रसाद चौलागाई, वडा सदस्य लेखराज ढकाल, विजय पौडेल, वन तथा वातावरण मन्त्रालयका विनय मिश्र, वन अधिकृत शम्भु तामाङ, अच्युत प्रसाद उपाध्याय, डिभिजन वन कार्यालय मकवानपुरका वन अधिकृत विशाल भट्टराई, सव डिभिजन वन कार्यालय हेटौडाकी प्रमुख सविना रिजाल, फरेष्टर यदुकुमार घिमिरे, समूहका उपाध्यक्ष केशव धिताल, कार्यसमिति, महिला समूह, सञ्चारकर्मी, उपभोक्ता लगायतको सहभागिता रहेको थियो ।

डिभिजन वन कार्यालय मकवानपुरको २ लाख ५० हजारको लागतमा सालकको प्रतिमा निर्माण गरिएको कार्यालय सचिव भीमसेन पौडेलले बताए । वन समूहले २०६२ सालदेखि सालक संरक्षण गर्दै आएको छ भने समूहको क्षेत्रभित्र करिव ३ दर्जन सालक रहेका छन्।