मकवानपुर कांग्रेस क्षेत्र नम्बर १ आयोजनामा कार्यकर्ता प्रशिक्षण सुरु

१२ जेड । हेटौँडा । नेपाली कांग्रेस मकवानपुर प्रतिनिधि सभा क्षेत्र नम्बर १ को कार्यकर्ता प्रशिक्षण कार्यक्रम सुरु भएको छ । शनिवार हेटौँडामा प्रशिक्षण विभागको आयोजनामा कार्यकर्ता प्रशिक्षण, भाषण कला र बैठक सञ्चालन प्रणाली कार्यक्रमको आयोजना गरिएको हो । 
कार्यक्रममा डा. कृष्ण प्रसाद खनाल र पार्टीका केन्द्रीय सदस्य पुष्पा भुसालले प्रशिक्षण दिने कार्यक्रम रहेको छ । उनीहरुले पार्टीको वर्तमान राजनैतिक अवस्थाको बारेमा प्रशिक्षण दिने संघीय सचिव कविन सांगामीले जानकारी दिए ।
यसैगरी जेसिसकर्मीहरुले कार्यक्रममा भाषण कला र बैठक सञ्चालन प्रणाली सम्बन्धि प्रशिक्षण दिने उनले बताए । प्रतिनिधि सभा क्षेत्र नम्बर १ ख मकवानपुरका सभापति राजेश बानियाँको अध्यक्षतामा भएको कार्यक्रममा नेपाली काँग्रेस बागमती प्रदेश सभापति तथा बागमती प्रदेश सभा सदस्य इन्द्र बहादुर बानियाँको प्रमुख आतिथ्य रहेको थियो ।
प्रशिक्षण कार्यक्रममा नेपाली काँग्रेसका केन्द्रीय सदस्य तथा प्रशिक्षण विभाग प्रशिक्षक पुष्पा भुसालको विशिष्ट आतिथ्यता तथा नेपाली काँग्रेस जिल्ला सभापति बुद्ध लामा, पूर्व सभापति रामचन्द्र अर्याल, रघुरमण न्यौपाने, उप–सचिव इन्दिरा न्यौपाने, मकवानपुर गढी गाउँपालिका प्रमुख दोर्जे लामा, प्रतिनिधि सभा क्षेत्र नम्बर १ का सभापति दामोदर खनाल, पार्टीका नेता तथा कार्यकर्ताहरूको उपस्थिति रहेको थियो ।