एमाले मकवानपुर श्रीधर पोखरेलको नेतृत्वमा

२१ जेठ, हेटौंडा। नेपाल कम्युनिष्ट पार्टी मकवानपुरको अध्यक्षमा श्रीधर पोखरेल निर्वाचित भएका छन्।एमाले मकवानपुरको आइतबार सम्पन्न १२ अधिवेशनको मतदानको अन्तिम मतपरिणाममा एमाले मकवानपुर अध्यक्षमा पोखरेलको निर्वाचित भएका छन्। 

पोखरेलले कुल कुल ७६५ मतमध्ये ३१३ मत प्राप्त गर्दा अर्का प्रतिष्पर्धि इन्द्रमान स्याङ्तानले २६२ मत प्राप्त गरेको थिए। लाल बहादुर थापाले १६६ मत पाउदा अध्यक्षका उम्मेदवार देवराज रिमालले ११ मत मात्र प्राप्त गर्न सफल भएका थिए। 

त्यसैगरी  जिल्ला उपाध्यक्षका लागि हिदम लामा निर्वाचित भएका छन् । लामाले कुल मतको ४७६ मत पाएका थिए भने अर्का उम्मेदवार सुनिल मोक्तानले १९७ मत पाएका थिए । लामा भिमफेदी गाउँपालिका अध्यक्ष समेत हुन्। 

त्यसैगरी सचिवमा सिता बिष्ट निर्वाचित भएकी छिन् । बिष्टले २९७ मत प्राप्त गरेकी हुन्।अर्का उम्मेदवार मदन दाहाललाई २५५ मत प्राप्त गरेका  थिए ।

त्यसैगरी  उप सचिवमा फुर्वा दोर्जे लामा र आरती पाठक विजयी भएका छन् । लामा र पाठकले क्रमशः समान मत २४१ मत पाएका थिए । उप सचिव पदका अन्य उम्मेदवार दिपक खड्काले १६७ र कल्पना बलामीले १५६ मत पाएका थिए ।सदस्यहरुको मतगणना आजै साँझबाट गरिने मुख्य निर्वाचन अधिकृत अर्जुन अर्यालले जानकारी दिएका छन्।