सडक निर्माण गर्न प्रशासनमा ज्ञापनपत्र

१२ माघ, हेटौँडा । हर्नामाडी–हटिया बाटो निर्माण जनदवाव समितिले सडक निर्माणको माग गर्दै जिल्ला प्रशासन कार्यालय मकवानपुरमा ज्ञापनपत्र बुझाएको छ । समितिले प्रशासन, हेटौँडा–धरान–चतरा सडक कार्यालय हेटौँडा र हेटौँडा उपमहानगरपालिकाको कार्यालयमा ज्ञापनपत्र बुझाएका हुन् । 
निर्माण प्रकृया बिचमा नै स्थगित गरेर अलपत्र छाडिएको भन्दै जनदबाब समितिले हटिया–हर्नामाडी सडक तत्काल निर्माण गर्नुपर्ने माग गर्दै ज्ञापनपत्र बुझाएका हुन् । ज्ञापनपत्रमा तत्काल हर्नामाडी हटिया सडक निर्माण गर्नुपर्ने, अलपत्र छाडेको निर्माण सामग्रीको ब्यवस्थापन गर्नुपर्ने, अब्यवस्थित खाडल पुर्नुपर्ने, धुलो नियन्त्रण गर्नुपर्ने माग गरिएको छ । यसैगरि सो सडक निर्माणको विषयमा स्थानीयहरुले सबैकुरा जानकारी पाउनुपर्ने र मुआब्जाको विषयमा सुचना सार्वजनिक गर्नुपर्ने माग समेत गरेका  छन् । 
ज्ञापनपत्र बुझाउँदै समितिका संयोजक सुन्दर दाहाल दाहालले सडक निर्माण अलपत्र छाडेर स्थानीयलाई सास्ती भएपनि सरोकारवालाको ध्यान पुग्न नसकेको बताए । ज्ञापनपत्र बुझ्दै प्रमुख जिल्ला अधिकारी बुढाले आफुले सम्वन्धीत कार्यालयलाई तत्काल निर्देशन दिने तथा धुलो नियन्त्रणको लागी पानी हाल्ने ब्यवस्था मिलाउन पहल गर्ने बताए ।