हेटौंडामा ५ जना नक्कली परीक्षार्थीलाई प्रहरीले समात्यो

१२ साउन, हेटौंडा। बागमती प्रदेशको राजधानी हेटौंडाबाट ५ जना नक्कली परीक्षार्थी पक्राउ परेका छन्। हेटौंडामा शनिबार बिहान सानोठिमी भक्तपुरद्वारा संचालन भएको निःशुल्क छात्रवृत्ति परीक्षामा सहभागी ४ जना नक्कली परीक्षार्थी पक्राउ परेका हुन्। भुटनदेवी माध्यामिक विद्यालय परीक्षा केन्द्रबाट ४ जना र सिध्दार्थ मा वि परीक्षा केन्द्रबाट १ जनागरी ५ जना नक्कली परीक्षार्थी पक्राउ परेको मकवानपुर प्रहरीले जनाएको छ ।

प्रहरीले भुटनदेवी माध्यामिक विद्यालय परीक्षा केन्द्रबाट  बारा पर्माणिपुर-२ बस्ने बर्ष अं. २० को नरेन्द्र महतोले रौतहट घर भएको बर्ष अन्दाजी १९ को असाब आलमको ठाउमा परिक्षा दिएको, त्यसैगरी चितवन भरतपुर-८ बस्ने बर्ष अन्दाजी १५ को रुपेश यादवले  अन्दाजी वर्षको १८ को निमेश राय यादवको ठाउमा परिक्षा दिएको,  सर्लाही बिष्णु-७ बस्ने बर्ष अन्दाजी १८ को राजिव कुमार राउतले  सिराहा घर भएको बर्ष अन्दाजी १८ को ललन कुमार यादवको ठाउँमा परीक्षा दिएको,त्यस्तै रौतहट गरुडा-२ बस्ने  १८ वर्षीय लाल बाबु सहनीले  सर्लाही बस्ने बर्ष १८ को सुनिल महतोको ठाउमा परिक्षा दिएको र सिद्धार्थ मा वि परीक्षा केन्द्रबाट धनुषा - १२ बस्ने बर्ष अन्दाजी २० वर्षीय रमेश यादवलाई शंकालागी चेक जाँच गर्दा बारा पचरौता - ५ बस्ने राकेश कुमार ठाकुर को नाममा परिक्षा दिएकोले नियन्त्रणमा लिएको जनाइएको हो। पक्राउ परेका माथि आवश्यक अनुसन्धान भइरहेको जनाइएको छ ।