मकवानपुर आएर प्रचण्डले भने- वर्तमान सरकार दलाल र पुँजीपतिहरुको प्रतिनिधि

२४ कार्तिक, हेटौँडा । मकवानपुर आएर माओवादी केन्द्रका अध्यक्ष पुष्पकमल दाहाल प्रचण्डले वर्तमान सरकार दलाल र पुँजीपतिहरुको प्रतिनिधिका रुपमा रहेको आरोप लगाएका छन् ।  शनिवार मकवानपुरको थाहानगरमा वाइसीएलको दोस्रो नगरसभाको उदघाटन कार्यक्रमलाई सम्बोधन गर्दै अध्यक्ष प्रचण्डले वर्तामान सरकार प्रति यस्तो आरोप लगाएका हुन् ।

उनले भ्रष्टचारी र विचौलीया कार्वाहीमा पर्न थालेपछि कांग्रेस र एमालेले उनीहरुलाई जोगाउन आफु नेतृत्वसको सरकार ढालेको दावी गरेका थिए । प्रचण्डले नराम्रो पनि गर्दिन र गर्न पनि दिन्न भनेर सरकार सञ्चालन गर्ने इमान्दार कोशिस गर्दा र सबै वेथिति र विसंगतिको विरुद्ध उभिँदा एमाले र कांग्रेस मिलेर सरकार ढालेको उदघोष गरेका थिए । सरकार कुलमानलाई निकाल्न खोजेको  र देशलाई अन्धकारमा धकेल्न लागिपरेका बताएका छन् । अध्यक्ष प्रचण्डले आफु प्रधानमन्त्री भएका बेला सरकार जग्गा किर्ते गरेर आफ्नो नाममा पास गर्ने भू–माफियाहरुलाई कारवाहीका लागि हिरासतमा पु¥याएको तर अहिलेको सरकारका प्रधानमन्त्रीले तिनै भू–माफियाबाट पार्टी कार्यलय बनाउन जग्गा दाल लिएर भ्रष्टाचारलाई संस्थागत गर्न खोजेको बताए । कार्यक्रममा माओवादी केन्द्रका उपाध्यक्ष अग्नि सापकोटाले माओवादीलाई कमजोर ठानेर गल्ति नगर्न कांग्रेस र एमालेलाई चेतावनी दिए ।