क्लासिक टेकको दशैँ अफर

४ असोज, हेटौंडा । नेपालको परिचित इन्टरनेट सेवा प्रदायक कम्पनी क्लासिक टेकले दशैंको अवसरमा "दुई वर्षको इन्टरनेट एक वर्षको मूल्यमा" भन्ने आकर्षक अफर सार्वजनिक गरेको छ । यस अफर अन्तर्गत ग्राहकहरूले ७० एमबिपिएस इन्टरनेट जडानका लागि मासिक ४४३ रूपैयाँमा वाई-फाई सिक्स राउटरसहित सेवा लिन सक्नेछन्।
कम्पनीका अनुसार यो अफर १००, २०० र ३०० एमबिपिएससम्मका अन्य इन्टरनेट प्लानहरूमा पनि लागू हुनेछ। यस योजनाअन्तर्गत ग्राहकहरूले एक वर्षको भुक्तानी गरेर दुई वर्षसम्म निरन्तर सेवाको फाइदा उठाउन सक्नेछन्।
कम्पनीले उपलब्ध गराउने वाई-फाई सिक्स राउटरमा एकै नेटवर्कमा धेरै डिभाइस जडान भएपनि इन्टरनेट स्पीडमा कमी नआउने सुविधा रहेको छ। यो राउटरले ५० भन्दा बढी डिभाइसहरूलाई एकसाथ सपोर्ट गर्न सक्छ।
राउटरका अन्य विशेषताहरूमा कम लेटेन्सी, डबल ब्याण्ड सुविधा र टार्गेट वेक टाइम प्रविधि रहेको छ। यी सुविधाहरूले गेमिङ, भिडियो स्ट्रिमिङ र भिडियो कलमा ढिलाइ नहुने र मोबाइल तथा ल्यापटपको ब्याट्री खपत कम गर्ने कम्पनीको दाबी छ।
क्लासिक टेकले इन्टरनेट सेवासँगै आईपी टिभी सेवा पनि उपलब्ध गराउने भएको छ। मासिक २५० रूपैयाँमा स्मार्ट सेट-टप बक्स प्रयोग गरी विभिन्न च्यानलहरू हेर्न सकिने कम्पनीको भनाइ छ।