मकवानपुरका ६ सहित ६६५ इन्स्पेक्टरको सरुवा

२९ असोज, हेटौंडा। मकवानपुरका विभिन्न प्रहरी युनिटका प्रहरी निरीक्षक (इन्स्पेक्टर) सहित नेपाल प्रहरीका एकैपटक ६६५ जना प्रहरी निरीक्षकको सरूवा भएको छ ।

प्रहरी प्रधान कार्यालयले एकैपटक ६६५ इन्स्पेक्टरको काज तथा सरूवा गरेको हो । आजको सरुवामा वडा प्रहरी कार्यालय हेटौंडा,सानोपोखराका इन्स्पेक्टर प्रज्वल थपलिया,इलाका प्रहरी कार्यालय मकवानपुरगढीका विरेन्द्र रायमाझी,इलाका प्रहरी कार्यालय पालुङका सविन बाबु अर्याल,इप्रका पशुपतिनगरकी इन्स्पेक्टर विमला कुमारी कठायत र जिल्ला प्रहरी कार्यालय मकवानपुरका इन्स्पेक्टर ठाकुर प्रसाद सापकोटा र विश्वम्भर नाथ शाह  गरी जिल्लाको विभिन्न प्रहरी युनिटका ६ जना प्रहरी निरीक्षकहरुको सरुवा भएको हो।

आजको सरुवामा वडा प्रहरी कार्यालय हेटौँडा,सानोपोखरामा इप्रका बुटवलबाट धर्मराज खत्री, जिल्ला प्रहरी कार्यालयमा इप्रका बर्दिबासबाट राजेश प्रसाद बर्तौला र जिप्रका सिरहाबाट धमेश कुमार यादव,त्यसैगरी इप्रका पशुपतिनगरमा प्रहरी वृत्त कालिमाटीबाट किशोर आचार्य , इप्रका पालुङमा नेपाल प्रहरी अपराध अनुसन्धान कार्यालय कास्कीबाट रुक्शा बर्ज्रचार्य,र इप्रका मकवानपुरगढीमा इप्रका मोतिपुर बर्दियाबाट उमा शंकार प्रसाद नयाँ इन्चार्जका रुपमा आउने भएका छन् । मकवानपुरको इप्रका मनहरीमा केही दिन अघि काजमा हाजिर भएका  इन्स्पेक्टर दिपक थापाको काज सरुवा मनहरीमै थमौती भएको छ । 

सरुवाको सूचि हेर्न यहाँ थिच्नुहोस्