सामुदायिक वन उपभोक्ता महासंघ गढीमा अधिकारी

१५ बैशाख, हेटौँडा । सामुदायिक वन उपभोक्ता महासंघ (फेकोफन) गढी गाउँपालिकाको अध्यक्षमा बलराम अधिकारी चयन भएका छन् । 
शनिबार सम्पन्न प्रथम अधिवेशनबाट अधिकारीको अध्यक्षतामा ३८ सदस्यीय नयाँ कार्यसमिति चयन गरेको हो । समितिको उपाध्यक्ष माया बल, सचिवमा गोमा फुँयाल र कोषाध्यक्षमा विजय लामा रहेका छन् । अधिवेशनबाट अर्जुनप्रसाद गौतम, बलराम अधिकारी, यज्ञप्रसाद तिमल्सिना, बद्री दाहाल, लक्ष्मी अधिकारी, राधिका छतकुली, गोमा फुँयाल र सावित्रि फुँयाललाई प्रदेश प्रतिनिधि चयन गरिएको छ । सामुदायिक वन उपभोक्ता महासंघकी केन्द्रीय महासचिव भारती पाठकको प्रमुख आतिथ्यता एवं तदर्थ समितिका अध्यक्ष बलराम अधिकारीको अध्यक्षतामा कार्यक्रम भएको थियो । 
कार्यक्रममा गढी गाउँपालिका वडा नम्बर २ का अध्यक्ष बखानसिं पाख्रिन, ६ का अध्यक्ष टिकाप्रसाद दाहाल, जिल्ला वन अधिकृत प्रल्हादप्रसाद धिताल, फेकोफन मकवानपुर अध्यक्ष पञ्चमाया स्यांतान, सचिवालय सदस्य देवीप्रसाद दाहाल, रानी वनका कार्यालय सचिव भीमसेन पौडेल, बंशगोपाल मावि गढीका अध्यक्ष रामप्रसाद पुडासैनी लगायतले मन्तव्य व्यक्त गरेका थिए । 
अधिवेशनमा गढी गाउँपालिकाका १९ वटा सामुदायिक वनका प्रतिनिधिहरुको सहभागिता रहेको थियो ।