गिरिजा अधिकारीले दिए सबैलाई धन्यवाद

२७ बैशाख, हेटौँडा । नेपाल पत्रकार महासंघको ३ नम्बर प्रदेशको गत बैशाख २२ गते सम्पन्न प्रदेश निर्वाचनमा अध्यक्षमा पराजित गिरिजा अधिकारीले सबैलाई धन्यवाद दिएका छन् । उनले निर्वाचन र मतदान प्रकृयामा सहभागी सबैलाई धन्यवाद दिएका हुन् । 
उनले विज्ञप्ति जारी गर्दै निर्वाचनमा सहयोग गर्ने सबैलाई धन्यवाद दिएका छन् । उनले प्रदेश अध्यक्ष प्रताप विष्ट नेतृत्वको पत्रकार महासंघ प्रदेश समितिलाई बधाई तथा सफल कार्यकालको शुभकामना समेत दिएका छन् । 
नयाँ कार्यसमितिले चुनावी अभियानका क्रममा आफुले संचारक्षेत्रको हितका लागि सारेका योजना ग्रहण गर्ने विश्वास व्यक्त गरेको जनाएका छन् । यस्तै, महासचिव कृष्ण सारु मगर, महिला उपाध्यक्ष नानीमैया कार्की (सम्झना) ले पनि सर्वसम्मत गराउन र निर्वाचन प्रक्रियामा सहयोग गर्ने सबैप्रति आभार व्यक्त गरेका छन् ।
प्रदेश अध्यक्षमा मकवानपुरे पत्रकार विष्ट र अधिकारी चुनावी प्रतिष्पर्धामा होमिएका थिए भने विष्ट अध्यक्षमा निर्वाचित भएका थिए । गृहजिल्ला मकवानपुरसहित सिन्धुली, नुवाकोट र सिन्धुपाल्चोकबाट विजयी भई अन्य जिल्लाबाट सम्मानजनक मत प्राप्त गरेका थिए । अन्य पदमा भने निर्विरोध भएको थियो ।