पत्रकार मणीराजसहित ४ जना सम्मानित

२९ बैशाख, हेटौँडा । गौतम समाज मकवानपुरको छैठौं जिल्ला भेला तथा बार्षिक साधरणसभा शनिबार सम्पन्न  भएको छ ।  
समाजका अध्यक्ष राजु गौतमको अध्यक्षतामा सम्पन्न भेला तथा साधारण सभामा समाजका केन्द्रीय सल्लाहकार विदुर गौतमको प्रमुख आतिथ्यता रहेको थियो । भेलामा संस्थाका सचिव अभिमन्यू गौतमले संस्थाको वार्षिक प्रगति विवरण आगामी वर्षका लागि अनुमानित कार्यक्रमहरु पेश गरेका थिए भने कोषाध्यक्ष भवनाथ गौतमले चालू आवको हालसम्मको आयव्यय प्रस्तुत गरेका थिए ।
कार्यक्रममा पत्रकारिताको क्षेत्रमा उल्लेखनीय योगदान पुर्याउने  सिधाखबर डटकमका प्रधान सम्पादक एबं रेडियो थाहा सञ्चारका स्टेशन म्यानेजर मणीराज गौतम र रेडियो मकवानपुरका सुनिल गौतमलाई सम्मान गरेको थियो । त्यसैगरी गौतम समाज मकवानपुरलाई यहाँसम्म ल्याउन उल्लेखनीय योगदान पुर्याएकोमा समाजका सल्लाहकार बसन्तराज गौतम र उमाकान्त गौतमलाई समेत सम्मान गरिएको थियो । साधारणसभामा गौतम समाजका केन्द्रीय सदस्य प्रकाश गौतम, अभिमन्यू गौतम, पूर्व केन्द्रीय सचिव टीका गौतम, केशव प्रसाद गौतम, चितवन उपाध्यक्ष मिनादेवी गौतम, झापा जिल्ला सचिव नीतिरमण गौतम, वारा जिल्ला उपाध्यक्ष केदार गौतम लगायतको उपस्थिति रहेको थियो ।