मकवानपुर प्रहरीले ३ महिनामा ७६ थान मोबाईल जिम्मा लगायो

फेला परेको मोबाइल फोन जिम्मा लगाउदै मकवानपुर प्रहरी

१० साउन,हेटौडा । मकवानपुर प्रहरीले ३ महिनामा हराएको र चोरी भएको  बिभिन्न कम्पनिको ७६ थान मोवाईल फोन फेला पारी मोबाइल धनिहरुलाई जिम्मा लगाएको छ।

प्रहरीले  बिभिन्न मितिमा सम्बन्धित  धनीहरुले  फोन हराएको भनी दिएको  निवेदनको आधारमा गएको ३ महिनामा चोरी भएको र हराएको   ७६ वटा मोबाईल फेला पारी धनीलाई फिर्ता दिएको जिल्ला प्रहरी कार्यालय मकवानपुरका प्रहरी प्रवक्ता डीएसपी नरेश कुमार सिहले  बताए  । फेला परेका  मोबाईलहरु करिब  ५ हजारदेखि १ लाख २० हजार रुपैयाँ सम्म मूल्यको रहेको  डीएसपी सिहले बताए । निवेदनमा परेका  मोबाईलहरु मकवानपुरसहित अन्य जिल्लामा समेत प्रयोग गरिरहेको अवस्थामा फेला परको  जिल्ला प्रहरी कार्यालय मकवानपुरका प्रहरी निरीक्षक मधु थापाले जानकारी दिए । यसै क्रममा बिहिबार मकवानपुर  प्रहरीले  ११ थान मोबाईल धनीलाई बुझाएको जनाएको  छ ।

प्रहरीले हेटौँडा ५ का द्रोण प्रसाद भट्टराई, हेटौँडा ४ का नवराज थपलिया, बकैया–७ का ठाकुर प्रसाद बोलखे, चितवनको भण्डारा–४ बस्ने निर्जला हुमागाई, हेटौँडा १९ बस्ने बिनोद कुमार सिन्तान, हेटौँडा २ बस्ने सुरज बर्तौला, सर्लाहीका अजय प्रसाद साह, हेटौँडा ३ बस्ने निता रिजाल र हेटौँडा १ बस्ने रन्जना रिमाल र हेटौँडा१७  बस्ने रन्जन दाहालको हराएको मोबाईल फेला पारी बुझाएको  मकवानपुर प्रहरीले जनाएको छ ।