मानव सेवा आश्रमद्वारा बार्षिक गतिविधि सार्वजनिक

५ भदौ, हेटौँडा । हेटौँडा–४ कर्रामा रहेको मानव सेवा आश्रमले मंगलबार आप्mनो बार्षिक गतिविधि सार्वजनिक गरेको छ । आश्रम परिसरमा भएको कार्यक्रममा आश्रमले आर्थिक बर्ष ०७४/०७५ मा गरेका आर्थिक एवं सामाजिक गतिविधि सार्वजनिक गरेको हो । 
कार्यक्रममा आश्रमका अभियन्ता नवराज केसीले एक बर्षमा गरेका कामहरुको बारेमा अवगत गराएका थिए भने अभियन्ता आर्दश ढकालले एक करोड ७७ लाख ४४ हजार ५ सय ३२ रुपैँयाको आयव्यय विवरण प्रस्तुत गरेका थिए । कार्यक्रममा भवन निर्माण समितिका अध्यक्ष ताराप्रसाद लामिछानेले ७२ लाख ७४ हजार ८ सय ५३ रुपैँयाको आर्थिक विवरण प्रस्तुत गरेका थिए । 
कार्यक्रममा बोल्दै प्रमुख आतिथि जिल्ला समन्वय समिति मकवानपुरका प्रमुख रघुनाथ खुलालले मानव सेवा आश्रमको सेवा प्र्रशंसनीय रहेको भन्दै यसका लागि समर्पित सबै धन्यवादका पात्र भएको बताएका थिए । मकवानपुरका प्रमुख जिल्ला अधिकारी आस्मान तामाङले मानवको सेवाका साथै मानवअधिकारको संरक्षणको काम पनि गरिरहेको भन्दै प्रशासनिक तवरबाट गर्नुपर्ने सहयोग गर्न प्रतिवद्ध रहेको बताए । 
कार्यक्रममा आश्रमका अध्यक्ष रामजी अधिकारी, अभियन्त अंशु कार्की लगायतले मन्तव्य व्यक्त गरेका थिए । कार्यक्रममा आश्रमका शुभेच्छुकहरुको सहभागिता रहेको थियो ।