अभ्यास खेलमा नेपालको शतप्रतिशत जित

१० भदौँ, हेटौँडा । एसिया कप क्रिकेट खेल्ने तयारीमा रहेको नेपाली क्रिकेट टिमले तेस्रो तथा अन्तिम अभ्यास खेलमा पनि सहज जित निकालेको छ । नेपालले तेस्रो तथा अन्तिम अभ्या खेलमा कोल्ट्स क्रिकेट क्लबलाई ५ विकेटल पराजित गर्दै अभयास खेलमा शतप्रतिशत जित निकालेको हो । 
कोल्टस् क्रिकेट क्लबले दिएको २ सय १७ रनको लक्ष्य नेपालले ४२ ओभर ४ बलमा ५ विकेट गुमाएर पूरा ग¥यो । नेपालका लागि कप्तान पारस खड्काले सर्बाधिक ५८ रन बनाए भने दीपेन्द्रसिंह ऐरी ५२ रनमा नटआउट रहे । 
यस्तै उपकप्तानज्ञानेन्द्र मल्लले ४५ रन बनाए । आरिफ शेख २३ तथा ओपनर सुवास खकुरेलले २२ रन बनाए । सागर पुन ५ तथा विनोद भन्डारी १ रनमा आउट भए । 
यसअघिटस जितेर पहिले ब्याटिङ गरेको कोल्टस् क्रिकेट क्लबले ४९ ओभर ५ बलमा सबै विकेट गुमाएर २ सय १६ रनको योगफल तयार पारेको हो । नेपालका लागि सोमपाल कामीले ३ विकेट लिए । करण केसी र सागर पुनले समान २ विकेट तथा ललित भन्डरीले एक विकेट लिए । 
नेपालीक्रिकेट टोली सोमबार मलेसिया प्रस्थान गर्नेछ । 
एसिया कपको छनोटमा नेपालसहित आयोजक मलेसिया, युएई, हङकङ, सिंगापुर र ओमानले खेल्नेछन् । नेपालले ओमानसँग २९ अगस्टमा बायुमास ओभलमा खेल्नेछ । त्यसपछि ३० अगस्टमा युएईसँग किनरारा ओभलमा प्रतिस्पर्धा गर्नेछ भने १ सेप्टेम्बरमा मलेसिया, २ सेप्टेम्बरमा सिंगापुर तथा ४ सेप्टेम्बरमा हङकङसँग खेल्नेछ ।
छनोटको विजेताले युएईमा हुने एसिया कपमा स्थान बनाउनेछ । विजेता भारत र पाकिस्तान रहेको समूह ‘ए’ मा पर्नेछ । एसिया कप १३ सेम्टेम्बर देखि २८ तारिखसम्म हुदैछ ।