बलात्कार काण्डका अभियुक्त विकास गौतमद्वारा आत्मसमर्पण

File Photo

१८ असोज, हेटौँडा । दरबारमार्गस्थित होटल ल्याण्डमार्कमा माघ ७ गते राती भएको ‘सामूहिक बलात्कार’ प्रकरणका मुख्य अभियुक्त विकास गौतमले आत्मसमर्पण गरेका छन् । काभ्रे स्थायी घर भएका गौतमले बुधबार साँझ ५ बजे जिल्ला अदालत काठमाडौंमा आत्मसमर्पण गरेका हुन् । 
रातोपाटी अनलाईनका अनुसार अदालतको आदेशले उनलाई डिल्लीबजार कारागार चलान गरिएको छ । बलात्कृत युवतीको केटा साथी भनिएका रामेछापका शैलेस कार्कीसहितको समूहले होटलमा सामूहिक बलात्कार गरेको घटनामा दरबारमार्गका तत्कालिन प्रहरी इन्सपेक्टर लक्ष्मण सिंह ठकुरीसहितका प्रहरी अधिकृतहरुले गुपचुपमा मिलात्रप गराएका थिए । महानगरीय प्रहरी कार्यालय रानीपोखरी र महानगरीय प्रहरी परिसर काठमाडौंले समिति गठन गरेर अनुसन्धान गर्दै इन्सपेक्टर ठकुरी र मुद्दा शाखाका प्रहरी नायब निरीक्षक चन्द्र भण्डारीलाई निलम्बन गरेको थियो । 
दरबारमार्ग बलात्कार प्रकरणमा केन्द्रिय अनुसन्धान ब्यूरोले समेत अनुसन्धान जारी राखेको थियो । बलात्कारपछि भारतमा लुकेर बस्दै आएका गौतमलाई केन्द्रिय अनुसन्धान ब्यूरोको टोलीले भारतीय सुरक्षा निकायमा समन्वयमा पक्राउ गर्ने तयारी गरिरहेको थियो । केन्द्रिय अनुसन्धान ब्यूरोले आफूलाई खोजिरहेको थाहा पाएपछि गौतम एकाएक बुधबार अदातल हाजिर भएको उनको पारिवारीक स्रोतको भनाई छ । 
बलात्कृत युवतीको केटा साथी भनिएका रामेछाप दुरागाउँका शैलेस कार्की यसअघि नै पक्राउ परिसकेका छन् ।