ग्रामीण महिला दिवसमा अन्तरक्रिया

६ असोज, हेटौंडा । अन्तर्राष्टिय ग्रामीण महिला दिवसको सन्दर्भमाा पदमपोखरीमा र्याली र अन्तरक्रिया कार्यक्रम सम्पन्न भएको छ ।

अन्तर्राष्टिय ग्रामीण महिला दिवसको अवसरमा जिल्लामा सञ्चालन भइरहेको सप्ताहव्यापी कार्यक्रम अन्तर्गत मकवानपुर महिला समूहले पदमपोखरी कल्याणटारमा यस्तो कार्यक्रमको आयोजना गरेको हो । सन् २००७ मा संयुक्त राष्ट्रसंघको महासभाले गरेको निर्णय अनुसार सन् २००८ देखि हरेक वर्ष अक्टोबर १५ का दिन अन्तर्राष्टिय ग्रामीण महिला दिवस मनाउने गरिएको हो ।

कार्यक्रममा मकवानपुर महिला समूहकी सचिव कमला सुवेदी, कार्यक्रम संयोजक निशा लामा, महिला अधिकार मञ्चकी जिल्ला अध्यक्ष निर्मला भ्लोन लगायतले अन्तर्राष्टिय ग्रामीण महिला दिवसको महत्व र यसलाई दिवसको रुपमा मनाउनुको सार्थकतबारे स्पष्ट पारे ।

विश्व जनसंख्याको एकतीहाई हिस्सा ग्रामीण महिलाको छ । ति ग्रामीण महिला जीविकोपार्जनका लागि प्राकृति स्रोत र कृषिमा निर्भर रहेका छन् । ४३ प्रतिशत ग्रामीण महिलाले कृषि मजदुरको रुपमा काम गर्ने गरेको संयुक्त राष्ट्रसंघको तथ्यांक छ ।
ग्रामीण महिलाले परिवारका लागि चाहिने खाद्यन्नको उत्पान तथा त्यसको व्यवस्थापन गर्ने भएकाले खाद्य सुरक्षाका लागि उनीहरु निकै महत्वपूर्ण रहेको राष्ट्रसंघले जनाएको छ । गम्भीर गरिबीमा रहेका मध्ये ७६ प्रतिशत मानिसको बसोबास ग्रामीण तथ्यांक छ । 

ग्रामीण क्षेत्रमा बसोबास गर्ने गरिब महिलाले उत्पादनमुलक कुषिमा महत्वपूर्ण योगदान गर्ने भएकाले उनीहरुको अवस्था सुधारका लागि सबै एकभएर लाग्नु पर्नेमा राष्ट्रसंघले जोड दिएको छ । कार्यक्रममा पदमपोखरी कल्याणटारका महिलाहरुले र्यालीमा सहभागी भई र्याली पछिको कोण सभामा पनि उत्साहजनक रुपमा उपस्थिति जनाएका थिए ।