राक्सिराङ ७ धिराङमा विद्यार्थी भर्ना अभियान

२१ बैशाख, हेटौँडा । मकवानपुरको विकट राक्सिराङ गाउँपालिकाले केन्द्र स्तरमा चारवटा विद्यालय भर्ना अभियान सम्पन्न गरेको छ । यसैक्रममा आज शनिबार मकवानपुरको बिकट वस्ती राक्सिराङ गाउँपालिका वडा नम्बर ७ स्थित धिराङमा विद्यार्थी भर्ना अभियान सम्पन्न भएको छ ।  धिराङ आधारभूत विद्यालयको आयोजनामा राक्सिराङ७ धिराङमा शनिबार ¥याली, घरैदैलो र कोण सभाको आयोजना गरिएको हो । 
 कार्यक्रममा प्रदेश ३ प्रदेश सभाका सदस्य सन्तबहादुर प्रजा सहितको सहभागितामा घरदैलो भएको हो । 
घरदैलोमा कार्यक्रममा बोल्दै प्रदेश सदस्य प्रजाले विद्यालय पहुँच बाहिर रहेका चेपाङ बालबालिकालाई विद्यालयमा ल्याउन भर्ना अभियान अन्र्तगत सञ्चालन गरिएको बताए । 
उनले बाटो र छात्रावासको समस्याका कारण चेपाङ बालबालिका अझै पढ्नबाट वञ्चित रहेको बताउँदै विद्यालयमा पूर्वाधार निर्माण गरी विद्यार्थीहरुलाई पठनपाठनमा सहजता तुल्याउनु पर्ने बताए । 
घरदैलो कार्यक्रममा नेपाल चेपाङ मकवानपुरका अध्यक्ष खेम चेपाङ, विद्यालयका प्रधानाध्यापक बाबुलाल घलान र गैरसरकारी संस्था दिगो विकास नेपालका परियोजना व्यवस्थापक अनिल पौडेलले चेपाङ बालबालिकालाई विद्यालयमा टिकाउन विशेष कार्यक्रम आवश्यक भएको बताएका छन । छ जना शिक्षक रहेको विद्यालयमा १६६ चेपाङ बालबालिका अध्ययनरत छन् ।।