हेटौँडा उपमहानगरपालिका स्तरिय राष्ट्रपति कप जेष्ठ २२ र २३ मा 

१६ जेष्ठ, हेटौँडा । मकवानपुरको नवौं राष्ट्रपति रनिङशिल्ड प्रयितयोगिताका लागि हेटौडा उपमहानगरपालिका स्तरिय छनौट खेल जेष्ठ २२ र २३ गते हुने भएको छ ।
हेटौडा उपनगरपालिका स्तरिय राष्ट्रपति रनिङशिल्ड प्रतियोगिता व्यवस्थापन तथा निर्देशक समितिको बैठकले प्रतियोगिताको मिति निर्धारण गरेको शिक्षा महाशाखा सहसचिव पूर्ण वहादुर अछामीले जानकारी दिए ।
उपमहानगरपालिकाका प्रमुख हरि वहादुर महतको अध्यक्षतामा वसेको वैठकले प्रतियोगिता संयोजनका लागि जिएस निकेतनलाई जिम्मेवारी दिएको छ ।
प्रतियोगितामा एथलेटिक्स, कव्वडी, भलिबल,सितेरियो कराते, तेक्वान्दो र उसुका खेल हुने खेलकुद विकास समितिका प्रमुख राजन दाहाल खुशराजले जानकारी दिए ।
बैठकले हेटौडा उपमहानगरपालिका भित्रका सवै सामुदायीक तथा सस्थागत मावि हरुलाई अनिवार्य सहभागि हुन अनुरोध गरिएको छ । 
यस्तै वैठकले प्रतियोगिता सन्चालनका लागि ४ नं वडा अध्यक्ष नविन सिग्देलको संयोजकत्ममा सामाजिक विकास महाशाखा प्रमुख भिम तिमल्सिना सहितको पाँच सदस्यि उपसमिति समेत गठन गरेको छ । 
स्थानिय तह अन्तर्गत मकवानपुरमा हाल सम्म वागमती, वकैया, मकवानपुर गढी र थाहानगरपालिमा छनौट सकिएको समितिका अध्यक्ष माधव तिमल्सिनाले वताए ।
मनहरीले २४ र २५ जेष्ठमा गर्ने भएको छ भने भिमफेदीले तयारी सुरु गरेको जनाएको छ । 
यहि जेष्ठ २५ गते भित्र स्थानिय तहको छनौट सक्न जिल्ला प्रतियोगिता निर्देशक समितिका संयोजक तथा जिल्ला समन्वय समिति प्रमुख रघुनाथ खुलालको वैठकले अनुरोध गरेको छ ।