सुर्खेतमा प्रहरी र विद्यार्थी बिच झडप

३ असार,सुर्खैत।विश्वविद्यालयले बाडेको टि–सर्टको बिषयले उग्र रुप लिदा सुर्खेतमा प्रहरी र विद्यार्थी बिच झडप भएको छ। 
सुर्खेतमा रहेको मध्यपश्चिमाञ्चल विश्वविद्यालय टि–सर्टकै कारण आन्दोलन सुरु गरेका विद्यार्थीमाथी प्रहरी खनिएपछि त्यहाँ झडप भएको हो। विश्वविद्यालयको नवौं स्थापना दिवशको अवसरमा विश्वविद्यालयले टि–सर्ट लगाउने बहानमा निजी कलेजको विज्ञापन गरेको भन्दै विद्यार्थीहरुले कार्यक्रम स्थलमै नाराबाजी र ढुङ्गामुडा गरेपछी प्रहरीसंग झडप भएको हो । 
काठमाडौंको राजधानी मोडेल कलेज र जेभिएर इन्टरनेशन कलेजको विज्ञापन गरेको भन्दै विद्यार्थीहरुले संयुक्त विद्यार्थीहरुले आन्दोलन गरेका हुन् । झडपका क्रममा एक जना प्रहरी घाइते भएका छन्।जिल्ला प्रहरी कार्यालय सुर्खेतका प्रहरी प्रमुख वसन्त रजौरेका अनुसार घाइते हुनेमा प्रहरी जवान सुरेन्द्र महत्तको रहेको र उनको प्रदेश अस्पताल सुर्खेतमा उपचार भैरहेको बताइएको छ।आन्दोलनमा सहभागी सहभागी दर्जनबढी विद्यार्थीहरुलाई प्रहरीले नियन्त्रणमा लिएको छ।यसैबिच आन्दोलनरत विद्यार्थीहरुले राजधानी कलेजले सौजन्य गरेको दुई बोरा टिर्सट नियन्त्रणमा लिएको अनेरास्ववियुका जिल्ला अध्यक्ष धुपेन्द्र शाहीले जानकारी दिएका छन  ।