४ जनालाई प्रेस युनियनमा स्वागत, २ दर्जनलाई बधाई

८ असार, हेटौंडा । नेपाल प्रेस युनियन मकवानपुरमा  ४ जनालाई स्वागत गरिएको छ । विभिन्न समयमा युनियनमा आबद्ध भएका  नयाँ सदस्यहरुलाई आईतबार औपचारिक रुपमा स्वागत गरिएको हो ।
युनियनले शक्ति एफएममा कार्यरत अभिषेक ढकाल र सागर सापकोटा, त्यसैगरी तु खबर डटकममा कार्यरत सम्झना मगर, रेडियो आकाशगंगामा कार्यरत गणेश दुलाललाई स्वागत गरेको हो ।
 उनीहरुलाई प्रेस युनियनका मध्यमाञ्चल संयोजक राममणि दाहाल, निवर्तमान अध्यक्ष रुपेश दुलाल, पूर्व अध्यक्ष गोकर्ण सुवेदी, नेपाली कांग्रेसका पार्टी प्रवक्ता प्रदिप कोईराला, नगर सभापति आनन्दराम पराजुली लगायतले स्वागत गरेका हुन् ।
 कांग्रेस मकवानपुरका उपसभापति एवं कार्यक्रमका प्रमुख अतिथि विष्णु लामिछानेले युनियनमा अावद्ध पत्रकारलाई निष्पक्ष पत्रकारिता गर्न सुझाव दिए । तटस्थ नै पत्रकारिताको मूल मन्त्र भएको भन्दै उनले युनियनमा आवद्ध पत्रकारले निष्पक्ष कलम चलाउने गरेकोमा प्रशंसा गरे ।  
कार्यक्रममा नेपाल पत्रकार महासंघ मकवानपुरको सदस्यता प्राप्त गर्न सफल प्रेस युनियनका २ दर्जनभन्दा बढी सदस्यहरुलाई खादा लगाएर सम्मान गरिएको थियो ।
युनियनका जिल्ला अध्यक्ष कुमार अधिकारीको अध्यक्षतामा भएको कार्यक्रममा उपाध्यक्ष मणीराज गौतम, युनियन संगठन विभाग प्रमुख बलराम पुडासैनी लगायतले मन्तव्य गरेका थिए ।