अपौचारीक रुपमा गुठी विधेयक फिर्ता

१० असार, हेटौँडा । नेपाल सरकारले गुठी विधेयक २०७५ मंगलबार औपचारिक रुपमा फिर्ता लिएको छ । राष्ट्रियसभाको मंगलबार बसेको बैठकबाट मन्त्री अर्यालले औपचारिक रुपमा गुठी विधेयक फिर्ता लिएकी छन् ।
बैठकमा भूमि व्यवस्था तथा शहकारी मन्त्री पद्मा अर्यालले गुठी विधेयक २०७५ लाई फिर्ता गरियोस् भनी राखेको प्रस्ताव सर्वसम्मतिले स्वीकृत भएपछि गुठी विधेयक फिर्ता भएको हो ।
नेपालको संविधानको धारा १ सय १२ र राष्ट्रियसभा संञ्चालन नियमावलिको नियम १ सय १६ बमोजिम मन्त्री अर्यालले गुठी विधेयकलाई फिर्ता गरियोस् भन्ने प्रस्ताव पेश गरकी  थिइन् ।
यसअघि गुठी विधेयकको बारेमा चौतर्फी विरोध भएपछि मन्त्री अर्यालले मन्त्रालयमा पत्रकार सम्मेलन गरि विधेयक फिर्ता लिएको घोषणा गरेकी थिइन् ।
विधेयक फिर्ताको प्रस्ताव पेश गर्दे मन्त्री अर्यालले हुदै नभएको कुरामा भ्रम छरेर सरकारलाई वास्तविक कुरा राख्ने वातावरण नै नदिईएको र विधेयकका बारेमा हल्ला पिटाएर गुठीयारलाई उत्तेजित गराउने काम भएको दाबी गरिन् ।
सरकारले विधेयकमा नमिलेका कुरा छलफल गरि मिलाएर जाउ भन्ने प्रस्ताव गर्दा गर्दै पनि समाधानमा नभई इगो बनाउने दिशामा उन्मुख भएको मन्त्री अर्यालको भनाई थियो ।
जनभावनालाई कदर गर्दै विधेयक फिर्ता लिने अवस्थामा पुग्दै गर्दा फेरी खारेजीको कुरा उठेको भन्दै मन्त्री अर्यालले गुठी विधेयकलाई सरकारसंग जोरी खोज्ने निहुँ बनाउन भन्दा मुलुकको विकास र सम्मृद्धिको वहसमा सरिक हुन अनुरोध गरिन । फोटोः गुगल