२५ मिटर सडक विस्तार गर्दा उचित मुआब्जा दिइयोसः अध्यक्ष कटुवाल

१० असार,हेटौँडा । मकवानपुर उद्योग वाणिज्य संघका अध्यक्ष तथा हेटौँडा बसोबास संरक्षण मुल समितिका अध्यक्ष कृष्ण कटुवालले नेपाल सरकार ,भौतिक पुर्वाधार तथा यातायात मन्त्रालय सडक विभाग ,संघीय सडक सुपरिवेक्षण तथा अनुगमन कार्यालय तथा सडक डिभिजन कार्यालय हेटौँडा मकवानपुरले असार ७ गते पुर्व पश्चिम लोकमार्ग तथा त्रिभुवन राजपथको दायाँबायाँ २५ मिटर भित्र बनेका घरटहरा हटाउन प्रकाशित गरेको सुचनाप्रति गम्भिर ध्यानाकर्षण भएको बताएका छन । 
मंगलबार मकवानपुर उद्योग वाणिज्य संघको सभाहलमा भएको पत्रकार भेटघाट कार्यक्रममा अध्यक्ष कटुवालले ७ गते पुर्व पश्चिम राजपथ तथा त्रिभुवन राजपथको दायाँबायाँ २५ मिटर भित्र बनेका घरटहरा हटाउन प्रकाशित गरेको सुचनाप्रति गम्भिर ध्यानाकर्षण भएको भन्दै राज्यले मुआब्जा नदिएर राजमार्गको दायाँबायाँ २५ मिटर सडक विस्तार गर्दा जिल्लाका करिब २ हजार घुरधुरी प्रत्यक्ष प्रभावित हुने बताएका छन् । उनले २५ मिटर सडक विस्तार गर्दा ५ हजार व्यवसायी मारमा पर्ने भन्दै २५ मिटर सडक विस्तार गर्दा उचित मुआब्जा दिएरमात्र सडक भत्काउनु पर्ने बताएका छन । 
कटवालले बिकल्पका रुपमा सडकको दायाँबायाँ १६। १६ मिटर मात्रै विस्तार गर्दा पनि हेटौंडा सुन्दर देखिने भन्दै यसअघि मुआब्जा नलिएकाहरुलाई मुआब्जा दिएर १६। १६ मिटर राजमार्ग विस्तार गर्न सकिन बताए ।  दैनिक पत्रिकामा २५ मिटर सडक विस्तार गर्ने १५ दिनको सूचना निस्केपछि मकवानपुर उद्योग वाणिज्य संघको टोली हेटौंडा   उपमहानगरपालिका, प्रदेश ३ का मुख्यमन्त्री सहित  डिभिजन सडक अन्य सरोकारवाला निकायमा समस्या समाधानको लागि भन्दै पुगेको बताए । उनले मंगलबार डिभिजन सडक कार्यालयले २५ मिटर सडक विस्तारका लागि लागत संकलनमा सहकार्य गर्न भन्ने चिठी आएको समेत बताए ।