बुधबार  चितवन र गौडाकोटमा नेवि संघको चक्काजाम( विज्ञप्ती सहित)

१० असार, चितवन । सोमवार राति ९ बजेर ५० मिनेट जाँदा पूर्व पश्चिम राजमार्ग अन्तर्गत गैडाकोट २ मा मोटरसाइकललाई ठक्कर दिने नेपाल विद्यार्थी संघ चितवनका साविक क्षेत्र नम्वर ४ क्षेत्रीय सभापति तिलचन्द्र अधिकारी को निधनको विषयलाई लिएर बुधबार बिहान १०ः३० बजेबाट  चितवन र गौडाकोटमा नेवि संघले  चक्काजाम गर्ने बताएको छ । 

होङ्सी सिमेन्ट उद्योगबाट सामान लिएर हेटौडा जाँदै गरेको ना ७ ख ७७१ नम्बरको ट्रकले गैडाकोट २ का तिलचन्द्र अधिकारी सवार ना २४ प ५३६ नम्बरको मोटरसाइकललाई ठक्कर दिएको थियो । ठक्कर दिएर चालक फरार रहेको थियो भने अधिकारीको चितवन मेडिकल कलेजमा उपचारका क्रममा हिजो राति १० बजेर १५   मिनेटमा चिकित्सकहरुले मृत्यु भएको घोषणा गरेका थिए ।  मृतक अधिकारी नेपाल विद्यार्थी संघ चितवनका साविक क्षेत्र नम्वर ४ क्षेत्रीय सभापति समेत रहेका थिए । 
 शिक्षण पेशामा पनि काम गर्नुभएका अधिकारीलाई ट्रकले दायाँ (ट्रकको गलत) साइडबाट गएर ठक्कर दिएको आफन्तले बताएका छन् । मृतक अधिकारीको एक जना छोरी र श्रीमती छन् ।
मंगलबार  इलाका प्रहरी कार्यालय गौडाकोटमा भएको छलफलमा ट्रक धनीले नक्कली ड्राइभर पठाएपछि आफन्त थप आक्रोसित बनेको भन्दै नेपाल विद्यार्थी संघ चितवनले  भोलि विहान १० बजेभित्र ट्रकको मूल धनी नआए चितवन र नवलपुरमा चक्काजाम गर्ने कार्यक्रम तय गरिएको नेपाल विद्यार्थी संघ चितवनका अध्यक्ष सूर्य ढकालले बताए । 
ढकालले मुख्य धनी आएर छोरीलाई निशुल्क शिक्षा प्रदान गर्ने, श्रीमतीलाई रोजगार दिलाउने लगायतका मागमा सम्वोधन नभएसम्म शव नवुझ्ने बताए । यसै क्रममा नेविसंघ चितवनले विज्ञप्ती मार्फत जारी गरेको आन्दोलनको कार्यक्रमको नेविसंघ नवलपुरले पनि एैक्यवद्धता जनाएको छ । जिल्ला अध्यक्ष राजेश पौडेलले भोलि विहान १० बजेसम्म घटनाको सत्य तथ्य वाहिर ल्याउन अल्टिमेटम दिएको र त्यसो नभए आन्दोलन सुरु हुने बताए ।