मकवानपुरमा आयोगको परीक्षा शान्तिपूर्ण, दिक्तेलमा परीक्षा बिथोल्ने ४ पक्राउ

मकवानपुर बहुमुखी क्याम्पस मा परीक्षाको सुरक्षार्थ खटिएका प्रहरी

४ साउन, हेटौंडा। आदिवासी जनजातीहरुले लोक सेवा आयोगले समावेशी सिद्धान्तविपरीत आयोगले विज्ञापन खुलाएको भन्दै विज्ञापनको विरोध गर्दै आन्दोलन गरिरहेका बेला हेटौंडाका सबै परीक्षा केन्द्रमा शुक्रबार जस्तै शनिबार पनि परीक्षा सुरक्षा घेरामा भएको छ।

मकवानपुरका प्रहरी उपरीक्षक मुकेश कुमार सिंहले परीक्षाकेन्द्रमा परीक्षालाई लक्षित गरी कुनै नकरात्मक किसिमको कार्य नभएको बताएका छन्। उनले आदिवासी जनजातीहरुको विरोधकाका कार्यक्रम र त्यसबाट उत्पन्न हुने घटनालाई मध्यनजर गरेर सुरक्षा व्यवस्था कडा परिएकोलेे परीक्षा बिथोल्न कार्य नभएको बताए।

यता खोटाङको सदरमुकाम दिक्तेलमा शनिबार भएको परीक्षालाइ बिथोल्न पुगेका चारजनालाई प्रहरीले नियन्त्रणमा लिएको छ।जिल्लाको दिक्तेल बहुमुखी क्याम्पसमा भइरहेको लोक सेवा आयोगको पाँचौँ तहको परीक्षा बिथोल्न पुगेका चारजनालाई प्रहरीले नियन्त्रण लिएको हो। परीक्षामा अवरोध पुर्‍याएको भन्दै प्रहरीले शनिबार बिहान नेपाल आदिवासी जनजाति महासंघ खोटाङका सचिव रवीन खम्बु, महासंघका सह–सचिव एलबी मगर, खोटाङ दलित विकास मञ्चका अध्यक्ष मिलन चाहार, सविना अछामेलाई पक्राउ गरेको हो ।

आयोगले शनिबार लिएरको  खुला। समावेशी प्रशासन सेवा,सामान्य प्रशासन र लेखा समुह पाँचौ सहायक ।लेखापाल।लेखा सहायक ।आलेप सहायक तह र समावेशी प्रशासन सेवा,सामान्य प्रशासन र लेखा समुह चौथो समुह सामान्यज्ञान तथा सामान्य बौदिक परीक्षण बिषयकको परीक्षा संचालन गरेको थियो।