दुर्घटनाका घाइते एकको रिफर, ८ डिस्चार्ज (विवरणसहित)

७ साउन, हेटौँडा । हेटौँडा–१५ चुरियामाई नजिक भएको सवारी दुर्घटनामा घाइते भएका एक जना चितवन रिफर भएका छन् । ८ जना उपचारपछि डिस्चार्ज भएका छन् । चुरेहिल हस्पिटलमा उपचाररत हेटौंडा–४ का ४७ बर्षीय नवराज तिमल्सिनाको चितवन रिफर भएको जिल्ला प्रहरी कार्यालय मकवानपुरले जनाएको छ । 

बाराको कलैया उपमहानगरपालिका वडा नम्बर २० घर भई इलाका प्रहरी कार्यालय पशुपतिनगरका प्रहरी हवल्दार ३३ बर्षीय मुर्तुजा देवान, चितवनको राप्ति नगरपालिका वडा नम्बर ७ का २१ बर्षीय आक्रोश चौधरी, बाराको कलैया उपमहानगरपालिका वडा नम्बर २० का ४८ बर्षीय महमोद आरुन अन्सारी, बुनियाद गाउँपालिका वडा नम्बर ७ का ३५ बर्षीय अम्रोद्दिन हुवारी उपचारपछि डिस्चार्ज भएका छन् । 

त्यस्तै, मकवानपुरको मनहरी गाउँपालिका वडा नम्बर ७ विजौनाका ३८ बर्षीय कमल मोक्तान, ५५ बर्षीय सिताराम थिङ, सुनसरीको इटहरी नगरपालिका वडा नम्बर १३ का २२ बर्षीया एन्जिला मगर र पर्साको पर्सागढीका ५१ बर्षीय बुद्धिराम महतो उपचारपछि डिस्चार्ज भएको जिल्ला प्रहरी कार्यालय मकवानपुरले जनाएको छ ।

दुर्घटनामा मृत्यु भएका अटो चालक स्थायी ठेगाना हेटौँडा–३ बसामाडि भई हेटौँडा–९ सिमेन्टरोड बस्ने ३२ बर्षीय सुजन ढकाल र अर्का एकजनाको शव हेटौँडा अस्पतालमा रहेको प्रहरीले जनाएको छ