प्रमुख जिल्ला अधिकारीहरुको सरुवा, मकवानपुरमा यथावत

१३ साउन, हेटौँडा । गृह मन्त्रालयले विभिन्न जिल्लाका प्रमुख जिल्ला अधिकारी र सहायक प्रमुख जिल्लाहरुको सरुवा गरेको छ । 
आइतबारको मन्त्री निर्णयबाट २५ जनाको सरुवा भएको हो । तर मकवानपुरका प्रमुख जिल्ला अधिकारी आस्मान तामाङको भने यथावत रहेको छ । यसअघि मकवानपुरमा सहायक प्रमुख जिल्ला अधिकारी रही कालिकोटमा सरुवा भएका चन्द्रबहादुर कार्कीको कालिकोटबाट धरानस्थित इलाका प्रशासन कार्यालय सरुवा भएको छ । सर्लाही प्रमुख जिल्ला अधिकारी कृष्णबहादुर राउतको सुनसरी सरुवा भएको छ भने सर्लाहीमा इलाका प्रशासन कार्यालय साँखुका मोहनबहादुर जिसी जाने भएका छन् । 
कपिलवस्तुका रामेश्वर अर्यालको तनहुँ, मोरङमा कार्यरत सहायक प्रमुख जिल्ला अधिकारी चन्द्रकला ओलीको तेह्रथुम, तेह्रथुमकी लक्ष्मीदेवी होमागाईंको काभ्रे सरुवा भएको छ । ताप्लेजुङका अर्जुन भण्डारीको मोरङ र डोरेन्द्र निरौलाको ताप्लेजुङ सरुवा भएको छ । कृष्णप्रसाद पन्त पाल्पाबाट प्युठान, प्युठानका बद्रीनाथ गैरेको नुवाकोट सरुवा भएको छ भने कृष्णचन्द्र पौडेलको कालिकोट सरुवा भएको छ । 
वसन्त पुरीको काभ्रेबाट गृह मन्त्रालय, तुलसीराम पौडेलको गोरखा, लक्ष्मी बाँस्कोटाको कारागार सुन्धारा र रुद्रनाथ देवकोटाको अध्यागमन विभागमा सरुवा भएको छ । शम्भु ऐरीको रुपन्देहीबाट रापप विभाग, गृहका ज्ञाननाथ ढकाल म्याग्दी, युवराज कँडेलको दैलेख, बेदनिधि खनालको सोलुखुम्बु, बेदनिधि अधिकारीको रुकुमपूर्व, पुष्पराज पौडेलको रुकुम पश्चिम, मित्रलाल शर्माको गृह मन्त्रालय, नरेन्द्र रानाको गृह मन्त्रालय, लीलाधर अधिकारीको अध्यागमन र खुमकान्त अर्यालको साँखु सरुवा भएको जनाईएको छ ।