आयाक्स च्याम्पियन्स लिगको प्लेअफमा, पोर्टो आउट 

२९ साउन, हेटौँडा । डच च्याम्पियन फुटबल क्लब आयाक्स च्याम्पियन्स लिग फुटबलको प्लेअफमा पुग्न सफल भएको छ । गत सिजन च्याम्पियन्स लिगको सेमिफाइनलमा पुगेको आयाक्सले पीएओके थेसालोनिकी फुटबल क्लबलाई संघर्षपूर्ण तरिकाले पराजित गर्दै प्लेअफमा स्थान बनाएको हो । 
सुरुवाती पछाडि परेको स्थितिलाई उल्टाउँदै दोस्रो लेगको खेलमा ३–२ गोल अन्तरको नतिजाका साथ आयक्सल जित निकालेको हो । यो जितले एग्रिगेटमा ५–४ को जित निकाल्न आयाक्स सफल भएको हो । 
आयाक्सले अब च्याम्पियन्स लिगको समुह चरणमा स्थान बनाउन अपोल निकोसियासंग प्रतिस्पर्धा गर्नेछ ।
यता, पोर्चुगिच क्लब एएफसी पोर्टो भने च्याम्पियन्स लिग छनोटबाट बाहिरिएको छ । रसियन क्लब एफसी क्रास्नोडारसंग अवे गोलका आधारमा पराजित हुँदै पोर्टो छनोटबाट बाहिरिएको हो ।
यस्तै मंगलबार रातिको खेलपछि अन्तिम १२ मा पुग्ने टोलीको टुंगो लागेको हो । आयाक्स, एपोल निकोसिया, सीएफआर क्लुज, साल्भिया प्राग, एलएएसके, क्लब ब्राग, डाइनामो जाग्रेब, रोजेनबर्ग, ओलम्पियाकोस, क्रासान्डर एफसी, यंग ब्वाइज र कार्भाना जाभेदा एफके अन्तिम १२ मा पुगेका छन् ।
होम एण्ड अवेका आधारमा हुने खेलहरु अगष्ट २० तारिखदेखि २८ तारिखसम्म हुनेछन् । (एजेन्सी)