१५ बर्ष मुनिको नेपाली टोली भारत प्रस्थान

२ भदौ, हेटौँडा । १५ बर्ष मुनिको साफ च्याम्पियनसिपमा सहभागिता जनाउँने नेपाली टोली सोमबार भारत प्रस्थान गरेको छ ।
१० दिनसम्म चल्ने च्याम्पियनसिपमा नेपाल सहित ५ टोलीको सहभागीता रहेको छ । यस प्रतियोगितामा आयोजक भारत सहित नेपाल, बंगलादेश, श्रीलंका र भुटनले प्रतिष्पर्धा गर्ने छन् ।
प्रतियोगितामा पाकिस्तान र माल्दिभ्स भने सहभागी हुने छैनन् ।
प्रतियोगितामा नेपालले पहिलो खेल आयोजक भारतसँग नै खेल्नेछ भने दोस्रो खेल श्रीलंका, तेस्रो खेल बंगलादेश र अन्तिम खेल भुटानसँग खेल्नेछ । ५ देशका उत्कृष्ट दुई टोली फाइनलमा पुग्नेछन् ।
सुनिल श्रेष्ठको प्रशिक्षणमा रहेको २३ सदस्यीय नेपाली टोलीको गोलकिपरमाः ईश्वर गुरुङ, मनोज दाहाल र जेनिस केसी रहेका छन् ।
यस्तै नेपाली टोलीको डिफेन्डरमा प्रज्ञान महर्जन, अभिषेक वाइबा, प्रमिस गुरुङ, अजय चौधरी, जान लिम्बु र रोसन थापा रहेका छन् । यसैगरी मिडफिल्डरमा जन्मजय धामी, निराजन मल्ल, प्रदिप लम्साल, नितेश श्रेष्ठ, असिम राई, विपिन तुमसिङ मगर, अमिर हमिद, मोहित गुरुङ, निराजन खत्री र अनिल चौलागाई छने भने फर्वाडमा किसन अधिकारी यादव, कृष्ण सापकोटा, सगुन जिमी र शशांक बोहरा रहेका छन् ।
प्रतियोगिता ८ गते बुधबारबाट भारतको काल्यानीमा हुँदैछ ।