१९ बर्षमुनिको एसीसी खेल्ने नेपाली टोलीको घोषणा

५ भदौ, हेटौँडा । श्रीलंकामा आयोजना हुने एसीसी १९ बर्षमुनिको एसिया कप क्रिकेट खेल्ने नेपाली टोलीको घोषणा भएको छ ।
रोहित पौडेलको कप्तानीमा रहेको १५ सदस्यीय नेपाली टिमको घोषणा गरिएको हो । घोषणा गरेको टोलीमा सिनियर खेलाडीद्वय मोहमद आसिफ शेख र सन्दीप जोरासँगै सूर्य तामाङ टोलीमा समेटिएका छन् ।
यसअघि भएको इस्टर्न रिजन प्रतियोगितामा तीनै खेलाडीलाई विश्राम दिइएको थियो । इस्टर्न रिजनको टोलीबाट १६ बर्षमुनिका कप्तान विशालविक्रम केसी र तिलक भण्डारी भने टोलीमा परेका छैनन् ।
प्रतियोगिताको समूह ‘बी’ मा रहेको नेपालसँगै आयोजक श्रीलंका, युएई र बंगलादेश रहेका छन् । त्यस्तै समूह ‘ए’ मा पाकिस्तान, भारत, कुवेत र अफगानिस्तान रहेका छन् ।
यही भदौ १९ देखि २८ गतेसम्म हुने प्रतियोगितामा नेपालले पहिलो खेल श्रीलंकासँग भदौ २० गते खेल्नेछ । दोस्रो खेल भदौ २२ गते बंगलादेशसँग र अन्तिम खेलमा भदौ २४ गते युएईसँग खेल्ने तालिका छ ।
नेपाली टोलीको प्रशिक्षकमा विनोद दास रहेका छन् भने टिम म्यानेजरमा राजु खड्का रहेका छन् ।
रोहितकुमार पौडेल कप्तान रहेको टोलीमा रित गौतम, पवन शर्राफ, मोहम्मद आसिफ शेख, सन्दीप जोरा, भिम सार्की, हरि बहादुर चौहान, कुशल मल्ल, राशिद खान, कमल सिंह ऐरी, सागर ढकाल, खड्क बहादुर बोहोरा, सूर्य तामाङ, लोकेस बहादुर बम र प्रतिस जिसी रहेका छन । फोटोः गुगल