चिनियाँ विदेशमन्त्री वाङ काठमाडौंमा

२३ भदौ, हेटौंडा । चिनियाँ विदेशमन्त्री वाङ यी आईतबार साँझ काठमाडौं आईपुगेका छन् । परराष्ट्रमन्त्री प्रदिप ज्ञवालीको नियन्त्रणमा नेपालको ३ दिने औपचारिक भ्रमणका लागि चिनियाँ विदेशमन्त्री वाङ काठमाडौं आईपुगेका हुन् ।
उनलाई स्वास्थ्य तथा जनसंख्या राज्यमन्त्री सुरेन्द्रकुमार यादव तथा परराष्ट्र सचिव शंकरदास बैरागीले त्रिभवुन अन्तराष्ट्रिय विमानस्थलमा स्वागत गरेका थिए ।
भ्रमणका क्रममा चिनियाँ विदेशमन्त्री वाङले राष्ट्रपति विद्या भण्डारी, प्रधानमन्त्री केपी शर्मा ओली तथा विभिन्न राजनीतिक दलका शिर्ष नेतृत्वसँग पनि शिष्टाचार भेटवार्ता गर्ने कार्यक्रम छ ।
दुई मुलुकका परराष्ट्रमन्त्री स्तरीय प्रतिनिधिमण्डलसँग द्धिपक्षीय हितका विविध विषयमा छलफल हुनेछ । चीनको विकासबाट नेपालले बढि भन्दा बढि लाभ लिने गरी चिनियाँ प्रतिनिधिमण्डलसँग छलफल केन्द्रित गर्ने परराष्ट्र मन्त्रालयले जनाएको छ । 
छलफलमा विगतमा गरिएका रेल सेवा संचालन,  पारवहन सम्झौताको कार्यान्वयनका विषयलाई पनि जोड दिन लागिएको छ ।
भारतीय विदेशमन्त्री एस जयशंकरले नेपाल भ्रमण गरेको दुइ हप्ता नबित्दै चीनका विदेशमन्त्री वाङ पनि नेपालको औंपचारिक भ्रमणमा आएका हुन् ।
चिनियाँ विदेशमन्त्री वाङको सो भ्रमणलाई चिनियाँ राष्ट्रपति सी जिन पिङको नेपाल भ्रमणको तयारीको रुपमा पनि हेरिएको छ ।