मकवानपुर कांग्रेसको दोस्रो राष्ट्रिय जागरण अभियान भोलिबाट,१०६ बिरुवा रोपेर उदघाटन गरिने

२३ भदौँ, हेटोँडा । नेपाली कांग्रेसले देश व्यापी रुपमा संस्थापक नेता वीपी कोइरालाको १०६ औं जन्मजयन्तिको अवसर पारेर दोस्रो चरणको राष्ट्रिय जागरण अभियान सुरु गर्ने निर्णय अनुसार कांग्रेस मकवानपुरले भदौ २४ गते अर्थात भोलिबाट दोस्रो चरणको राष्ट्रिय जागरण सुरु गर्ने जनाएको छ । 
कांग्रेस मकवानपुरले सोमबार पार्टी कार्यालयमा पत्रकार भेटघाटको आयोजना गर्दै यस बारेमा जानकारी दिएको हो।पत्रकार भेटघाटमा बोल्दै कांग्रेस मकवानपुरका प्रवक्ता प्रदिप कोइरालाले मकवानपुरका चारै प्रदेश निर्वाचन क्षेत्रमा एकसाथ कार्यक्रम हुने जनाएका छन  । 
 प्रवक्ता कोइरालाले क्षेत्र नम्बर १ क मा प्रेमचन्द्र दाहाल, १ ख मा ऋषिराम घिमिरे, २ क मा प्रतिमा गौतम र २ ख मा शेषनाथ अधिकारीलाई केन्द्रले  प्रतिनिधिको रुपमा खटाएको बताएका छन । पत्रकार भेटघाटमा जनाइए अनुसार भोलि क्षेत्र नम्बर १ क अन्र्तगत हेटौंडा–१६,  १ को ख को हेटौंडा ५ त्यसैगरी क्षेत्र नम्बर २ क को मार्खु र २ ख को मनहरीमा वृक्षारोपण गरेर  एकसाथ अभियानको उदघाट हुनेछ ।  
पत्रकार भेटघाटमा काईरालाले दोस्रो चरणको अलि फरक हुने जस्मा एक मिनेटभित्रमा आसन ग्रहण समापन गरिने र प्रतिनिधीहरुले थोरै बोलेर कार्यक्रताको गुनासो सुन्ने बताएका छन । त्यसैगरी उनले जननायक वीपी कोइरालाको १०६ औं जन्मजयन्तिको प्रतिक स्वरूप प्रत्येक निर्वाच्न क्षेत्रमा एक सय छ बिरूवा रोपेर जागरण अभियानको उदघाटन गर्ने तयारी रहेको बताएका छन । 
प्रेस युनियन मकवानपुरका अध्यक्ष कुमार अधिकारीको सभाअध्यक्षतामा भएको पत्रकार सम्मेलनमा काँग्रेस मकवानपुरका कार्यबहाक सभापति विष्णुप्रसाद लामिछाने, जिल्ला सदस्य राजीव सुबेदी, जीपी फाउन्डेशनका मकवानपुर क्षेत्र नम्बर १ ख का अध्यक्ष पूर्णप्रसाद पुडासैनीलगायतको  उपस्थिती रहेको थियो ।