प्रधानमन्त्री ओली र चिनियाँ विदेशमन्त्रीबीच भेट

२४ भदौ, हेटौंडा । प्रधानमन्त्री केपी शर्मा ओलीले चिनियाँ राष्ट्रपति सी जीन पिङको नेपाल भ्रमण छिट्टै हुने विश्वास व्यक्त गरेका छन् ।
प्रधानमन्त्री ओलीले चिनियाँ विदेशी मन्त्री वाङ यीसँगको शिष्टाचार भेटमा सो विश्वास व्यक्त गरेका हुनु् । 
प्रधानमन्त्री निवास बालुवाटारमा सोमबार भएको प्रधानमन्त्रीसँगको भेटमा चिनियाँ विदेशमन्त्री वाङले उपयुक्त समयमा राष्ट्रपति सीको नेपाल भ्रमण हुने विश्वास दिलाएका थिए ।
प्रधानमन्त्री ओलीले चिनियाँ राष्ट्रपति सीको नेपाल भ्रमण छिट्टै हुने विश्वास व्यक्त गरेको प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिए ।
त्यस क्रममा प्रधानमन्त्री ओलीले चीनले नेपालको आर्थिक तथा सामाजिक क्षेत्रको विकासमा पु¥याउँदै आएको सहयोगका पनि खुलेर प्रशंशा गरेका थिए ।
नेपाली भूमि कुनै पनि मुलुकको विरुद्ध प्रयोग हुन नदिने नेपालको अडान पनि प्रधानमन्त्री ओलीको दोहो¥याएको परराष्ट्र सल्लाहकार भट्टराईले बताए ।
भेटमा विदेशमन्त्री वाङले राष्ट्रपति सी र चिनियाँ सरकारले प्रधानमन्त्री ओली नेतृत्वको सरकारले अघि सारेको ‘समृद्ध नेपाल र सुःखी नेपाली’ को नारालाई पूर्ण समर्थन रहेको सन्देश पठाएको जानकारी गराएका थिए । 
भेटमा चीन र नेपालबीच भएको द्धिपक्षीय समझदारी कार्यान्वयनमा पनि जोड दिइएको प्रधानमन्त्रीको निजी सचिवालयले जनाएको छ ।