कांग्रेसकोे दोस्रो चरणको जागरण अभियान आजबाट सुरु

२४ भदौ, हेटौंडा । नेपाली कांग्रेसले दोस्रो चरणको जागरण अभियान आज मंगलबारबाट सुरु गर्दैछ । बिपी कोइरालाको १०६ औँ जन्मजयन्तीको अवसर पारेर यसपटक कांग्रेसले तीन सय ३० वटै प्रदेश सभा क्षेत्रमा एकैसाथ जागरण अभियानको शुरुवात गर्ने भएको हो ।
कांग्रेसले जागरण अभियान सामाजिक संवाद र बृक्षारोपण गरेर सुरुवात गर्ने जनाएको छ । बृक्षारोपण कार्यक्रम अन्तर्गत तीन सय ३० वटौ प्रदेश अन्तर्गतका विभिन्न क्षेत्रहरुमा १ सय ६ वटाका दरले ३४ हजार ८० वटा बिरुवा रोपिने नेपाली कांग्रेसका प्रवक्ता विश्वप्रकाश शर्माले जानकारी दिए ।
१५ दिन सम्म चल्ने अभियानमाको अन्तिम दिन असोज ७ गते केन्द्रीय तहबाट एउटा मात्र जिल्ला स्तरीय विरोधसभा राखिएको छ ।
यसैविच नेपाली कांग्रेस मकवानपुरले मकवानपुरका चारै वटा प्रदेश निर्वाचन क्षेत्रमा एकसाथ कार्यक्रम गर्ने जनाएको छ ।
नेपाली कांग्रेस मकवानपुरका प्रवक्ता प्रदिप कोइरालाले मकवानपुरको क्षेत्र नम्बर १ क अन्र्तगत हेटौंडा १६ को शक्तेश्वर मन्दिर परिसर, १ को ख को हेटौंडा ५ मार रहेको रुदे्रश्वर मन्दिर परिसर, त्यसैगरी क्षेत्र नम्बर २ क को मार्खु र २ ख को मनहरीमा वृक्षारोपण गरेर एकसाथ अभियानको उदघाट हुने जानकारी दिए ।