जिल्ला लिगः आइतबार तीन खेल सम्पन्न

२९ भदौ, हेटौंडा । हेटौंडामा जारी दानबहादुर श्रेष्ठ स्मृति जिल्ला लिग फुटबल प्रतियोगिताअन्र्तगत आईतबार तीन खेल सम्पनन । 
आइतबारका खेलमा ईन्टरनेट फुटबल क्लब र मदनभण्डारी स्पोर्ट एकेडेमी विजयी भएका छन् भने हेटौंडा भेट्रान्स र हेटौंडा फुटबल एकेडेमी विचको खेल बराबरीमा रोकिएको  छ । 
प्रतियोगिता अन्तर्गत आईतबार बिहान भएको खेलमा ईन्टरनेट फुटबल क्लबले न्यु कम्बाइन्ड फुटबल क्लबलार्इृ ४–१ को फराकिलो गोल अन्तरले पराजित गरेको हो । 
ईन्टरनेट फुटबल क्लबका लागी पृतम स्याङबो एक्लैले २ गोल गरे भने ललित चौलागाइ र अनिष महर्जनले समान १–१ गोल गरे । यस्तै न्यु कम्बाइन्ड फुटबल क्लबका सुजन खड्कीले १ गोल फर्काए । ईन्टरनेटका पृतम स्याङबो म्यान अफ द म्याच घोषित भए ।
यस्तै आईतबार दिउसो भएको दोश्रो खेलमा मदनभण्डारी स्पोर्ट एकेडेमीले भुटनदेवि युवा क्लबलाई ३–१ गोलअन्तरले पराजित गरेको छ । 
मदनभण्डारी स्पोर्ट एकेडेमको जितका लागी रविन्द्र खड्काले २ र रमेश लामाले १ गोल गरे भने भुटनदेवि युवा क्लबका शकर सिटौलाले १ गोल फर्काए । आइतबारको दोश्रो खेलमा मदनभण्डारीका रविन्द्र खड्का म्यान अफ द म्याच घोषित भए ।  
यसैगरी आइतबारको तेश्रो तथा अन्तिम खेलमा हेटौंडा भेट्रान्स र हेटौंडा फुटबल एकेडेमीले १–१ बराबरी खेल्दै अंक बाडेका छन् । 
हेटौंडा भेट्रान्सका लागी आलोक श्रेष्ठ र हेटौंडा फुटबल एकेडेमीका लागी विमर्श श्रेष्ठले गोल गरे । प्रतियोगिता असोज ११ गते सम्म चल्ने आयोजकले जनाएको छ ।