जिल्ला लिगः हटिया र हाँडीखोला नकाउट चरणमा प्रवेश

४ असोज, हेटौंडा । हेटौंडामा जारी जिल्ला लिग फुटबल प्रतियोगितामा समूह ‘एफ’बाट हटिया स्पोर्टस् एकेडेमी र हाँडीखोला यूथ क्लव नकाउट चरणमा प्रवेश गरेको छन् ।
शुक्रबार भएको यस समूहको लिग चरणको अन्तिम खेलबाट हटिया र हाँडीखोलाले नकाउट चरणमा स्थान बनाएका हुन् ।
शुक्रबार बिहान भएको खेलमा हटियाले एफसी इन्टरनेट सिटीलाई ५–२ गोल अन्तरले हराउँदै नकाउट चरणमा स्थान बनाएको हो । हटियाको जितका लागी बिमल घलानले २ गोल गरे भने आर्जु घलान, सुदिप सापकोटा, र आयुर घलानले १–१ गोल गरे । 
इन्टरनेटका तर्पmबाट चन्द्र नेगी र मनिष घलानले १–१ गोल फर्काए । खेलको म्यान अफ द म्याच हटियाका बिमल घलान भए । 
शुक्रबार नै भएको दोस्रो खेलमा हाँडीखोला यूथ क्लव र परेली युवा समाज बस्तीपुरले गोलरहित बराबरी खेलेका छन् । खेलको म्यान अफ दी म्याच परेलीका प्रवेश लामा भए । 
यस्तै समूह ‘जी’ अन्तर्गतको आरआर एफसी र एफसी नामटार बीचको खेल रोकिएको छ । खेलमा ढिलाई भएपछि कम प्रकाशका कारण खेल शिनवार विहानका लागी सारिएको आयोजकले जनाएको छ । आरआर एफसी र एफसी नामटार बीचको खेल बाँकी खेल आज शनिवार विहान हुेने छ । खेल गोलरहित बराबरीमा रोकिएको हो ।
जारी प्रतियोगितामा आज शनिबार बिहान निब्टा क्लव र एफसी पोतला खेल्नेछन भने दिउँसो सहीद स्मृति क्लव र न्यू कम्बाइन्ट क्लव तथा एफसी इन्टरनेट र महाबीर क्लव खेल्ने आयोजकले जनाएको छ ।