कांग्रेसले बिरोध र्याली सहित दोश्रो जागरण अभियान समापन गर्ने

६ असोज, हेटौंडा । नेपाली कांग्रेस मकवानपुरले मंगलबार बृहत बिरोध ¥यालीसहीत दोस्रो राष्ट्रिय जागरण अभियान समापन गर्ने भएको छ । 
नेपाली कांग्रेस मकवानपुरले सोमबार पत्रकार सम्मेलन आयोजना गरी बिरोध ¥याली सहित दोश्रो राष्ट्रिय जागरणको समापन गर्ने कार्यक्रमको बारेमा जानकारी दिएको हो । 
विशेष गरी कांग्रेसले जागरण अभियान समापनको दिन पाँचवटा विभिन्न मुद्दामा केन्द्रित भएर जागरण कार्यक्रम समापन गर्न लागेको नेपाली कांग्रेस मकवानपुरका प्रबक्ता प्रदीप कोइरालाले जानकारी दिए । 
कांग्रेसले जागरण अभियान समापन कार्यक्रम अन्तर्गत बढ्दो महंगी, वाइडबडी भ्रष्टाचार प्रकरण, बढ्दो महिला हिंसा, बलात्कार र हत्या, सरकाले ल्याएका अलोकतान्त्रिक बिधेयकहरुका बारेमा जानकारी गराउँने प्रवक्ता कोइरालाले बताए । 
उनले दुईतिहाईको कम्युनिष्ट सरकारले जनअपेक्षा पूरागर्न नसकेको, पूरा हुनै नसक्ने आश्वासन बाँडेर विकास निर्माण र जनजिवीकाको सवालमा उदासिनता देखाएको भन्दै कांग्रेसले देशव्यापी जनजागरण अभियान चलाएको जानकारी दिए ।
जनजागरण अभियान समापन कार्यक्रममा मकवानपुर पार्टी सभापति एवम् तीन नम्बर प्रदेश संसदीय दलका नेता इन्द्रबहादुर बानियाँको प्रमुख आतिथ्यता रहने नेपाली कांग्रेस मकवानपुरले जनाएको छ । 
प्रेस युनियन मकवानपुरका अध्यक्ष कुमार अधिकारीको सभाध्यक्षतामा भएको पत्रकार सम्मेलनमा कांग्रेस जिल्ला सदस्यहरु राजीव सुबेदी, अमृता थापा, नेविसंघ मकवानपुरका अध्यक्ष राजु खतिवडा, ३ नम्बर क्षेत्रिय उपसभापति गणेशहरी उप्रेती, मलिा संघकी सचिव निलम देवकोटा, राधा कोइराला लगाएको उपस्थिति रहेको थियो ।