फुटबलमा बंशगोपाल बी र शान्तिटोल विजयी

शान्तिटोल फुटवल क्लव

१३ असोज, हेटौँडा । हेटौडा–६ मा रहेको भित्रि फुटवल टीमले आयोजना गरेको वडा टोल स्तरीय फुटवल प्रतियोगितामा सोमवार बंशगोपाल युवा क्लव बी र शान्तिटोल फुटवल क्लव विजयी भएका छन् । 
पहिलो खेलमा बंशगोपाल युवा क्लव बी ले राईटोल युवा क्लवलाई १–० गोल अन्तरले हराएको छ । विजयी टीमको तर्फबाट विजयी गोल विपिन भट्टले गरेका थिए । यसैगरी दोस्रो खेलमा शान्तिटोल युवा क्लव र रामनगर युवा क्लव विच भएको खेल गोलरहित बराबरी खेलेपछि खेल टाईब्रेकरमा पुगेको थियो । टाईब्रेकरमा शान्तिटोल युवा क्लव ५–४ गोल अन्तरले विजयी भएको हो । विजयी क्लवको तर्फबाट रुपक अधिकारी, रितेश अधिकारी, अविन प्रजा, रिवाज बयलकोटी र सन्तोष राईले गोल गरेका थिए । रामनगरको तर्फबाट विकास ढकाल, आकृष लामा, मन्दिप बोहरा र प्रविन खनालले गोल गरेका थिए । 
मंगलबारको पहिलो खेल कुमलटार युवा क्लव र कमलपोखरी युवा क्लव, दोश्रो खेल हात्तीलेट युवा क्लव र बंशगोपाल युवा क्लव सी र तेश्रो खेल स्कूलरोड युवा क्लव र हेटौडा भेट्रान्सविच खेल हुने आयोजकले जनाएको छ । 
असोज १८ गतेसम्म संचालन हुने प्रतियोगितामा प्रथम हुने टिमले २५ देखि ३० किलोको खसी दोश्रो हुने टीमले २० देखि २५ किलोको खसी, मेडल तथा प्रमाणपत्र प्राप्त गर्ने क्लवका अध्यक्ष कमल कोईरालाले बताए ।