तामाङ संघ भीमफेदीमा नेगी चयन, २५ जना कांग्रेस प्रवेश

६ कार्तिक, हेटौँडा । नेपाली कांग्रेसको भातृ संस्था नेपाल तामाङ संघ भीमफेदी गाउँपालिकाको वडा नम्बर १ अध्यक्षमा पुरुषोतम नेगी चयन भएका छन् ।
बुधबार भएको भेलाले नेगीको अध्यक्षतामा नयाँ कार्यसमिति चयन गरेको हो । संघको उपाध्यक्षमा जनक मुक्तान, सचिवमा रामलाल मुक्तान, कोषाध्यक्षमा टुनिमाया मुक्तान र सहसचिवमा माइलाकाजी थिङ रहेका छन् । समितिको सदस्यहरुमा काजी थिङ, सञ्जय मुक्तान, अनिल मुक्तान, विपिन योञ्जन, जयबहादुर तितुङ, सानुकान्छा तितुङ, चन्द्रबहादुर तितुङ, सुशिला नेगी, फुलमाया थिङ, प्रमिला पाख्रिन, जीतबहादुर पाख्रिन, सानुमाया नेगी, हिरामाया थिङ, कुमारी नेगी, सुकुलाल नेगी, बुद्ध नेगी र अमृत मुक्तान रहेका छन् ।
नेपाली कांग्रेस जिल्ला सचिव बुद्ध लामाको प्रमुख आतिथ्यता एवं भीमफेदी आदिवासी जनजाति संंघ वडा संयोजक गोपीराम बलको सभाध्यक्षतामा कार्यक्रम  भएको थियो । कार्यक्रममा निवर्तमान सभापति रघुरमण न्यौपाने, जिल्ला सदस्य एवं आदिवासी जनजाति संघ विभाग संयोजक भीमबहादुर भोम्जन, कांग्रेस हेटौँडा नगर सभापति आनन्दराम पराजुली, क्षेत्रीय सभापति यतिराज सापकोटा, तामाङ संघ मकवानपुरका अध्यक्ष चम्फुरत्न लामा, भीमफेदी गाउँपालिका वडा १ का अध्यक्ष श्यामकुमार बल, सदस्य सुमित्रा थिङ, पार्टीका जिल्ला एवं स्थानीय नेता, महिला संघ, तरुण दल लगायतका संस्थाका नेताहरुले मन्तव्य व्यक्त गरेका थिए । 
कार्यक्रममा विभिन्न पार्टी परित्याग गरी २५ जना नेपाली कांग्रेसमा प्रवेश गरेका थिए ।