जनकल्याण सहकारीको खेलकुद कार्यक्रम सम्पन्न

१० कार्तिक, हेटौँडा । हेटौंडा–६ चौघडामा रहेको जनकल्याण बचत तथा ऋण सहकारी संस्थाले लक्ष्मीपुजाको  अवसर पारेर विविध खेलकुद कार्यक्रम सम्पन्न गरेको छ । संस्थाले लक्ष्मीपुजा तथा संस्थाको बाल वचत कार्यक्रमा आबद्ध बालबालिकाका लागि मनोरन्जन प्रदान गर्ने उद्देश्यले विविध खेलकुद कार्यक्रमको आयोजना गरेको हो ।

संस्थाले घैटो फुटाइ प्रतियोगिता, म्युजिकल चेयर र चकलेट रेस प्रतियोगिता सम्पन्न गरेको संस्थाका अध्यक्ष हिमाल पौडेलले बताएका छन् । संस्थाका पधाधिकारी तथा जनप्रतिनिधिको सहभागिता गरिएको घैटो फुटाइ प्रतियोगितामा मिना अधिकारी विजयी भएको छिन् । संस्थाको बाल वचत कार्यक्रमा आबद्ध करिब ३० बालबालिकाको सहभागितामा भएको म्युजिकल चेयरमा शोनिषा आचार्य प्रथम तथा निषव देवकोटा द्वितीय, त्यसैगरी चकलेट रेसमा आहना खनाल प्रथम, आरोहि अर्याल द्वितीय र प्रिसियस जंग क्षेत्री तृतीय भएका थिए । 

प्रतियोगितामा सफल हुनेलाई संस्थाका अध्यक्ष हिमाल पौडेल तथा हेटौंडा उपमहानगरपालिका वडा नम्बर ६ का वडाध्यक्ष अर्जुन प्रसाद चौलागाईले संयुक्त रुपमा पुरस्कार वितरण गरेका थिए । जनकल्याण बचत तथा ऋण सहकारी संस्थाका अध्यक्ष हिमाल पौडेलको सभाध्यक्षतामा भएको कार्यक्रममा हेटौंडा उपमहानगरपालिका वडा नम्बर ६ का वडाध्यक्ष अर्जुन प्रसाद चौलागाईको प्रमुख आतिथ्यता रहेको थियो ।

कार्यक्रममा संस्थाका सल्लाहकार बद्रीबहादुर पाठक, रोम प्रसाद न्यौपाने, संस्थाका पदाधिकारीहरुको उपस्थिति रहेको थियो । त्यसैगरी संस्थाको  वार्षिक भेला आगामी मंसिर ७ गते शनिबार हुने भएको भएको छ ।