सुकुटेमा मृत्यु हुने १७ मध्ये १४ को सनाखत

१८ कार्तिक, सिन्धुपाल्चोक । अरनिको राजमार्गअन्तर्गत सिन्धुपाल्चोकको सुकुटेमा भएको बस दुर्घटनामा मृत्यु हुने १७ मध्ये १४ को पहिचान खुलेको छ । प्रहरीका अनुसार मृतक १७ मध्ये १० महिला, एक बालिका र पाँच पुरुषमा तीन बालक रहेका छन् ।
मृत्यु हुनेमा दोलखाको शैलुङ–४ का १४ बर्षीय दिल लामा, शैलुङ–३ का ३२ वर्षीया निर्मला खड्का, काभ्रेपलाञ्चोक रोशी–४ की पाँच वर्षीया सजिना तामाङ, दोलखाका ७० वर्षीया उरमाया तामाङ र भीमेश्वर नगरपालिका–९ की २४ वर्षीया रञ्जिता केसी रहेका छन् । दोलखा जिल्ला शैलुङ–६ की ५२ वर्षीया चेतकुमारी बस्नेत, शैलुङ–४ का छ वर्षीया सलिना तामाङ, शैलुङ–३ का तीन महिनाका बालक रोशन तामाङ, शैलुङ–३ कै २७ वर्षीया चमेली श्रेष्ठको पनि मृत्यु भएको छ ।
प्रहरीका अनुसार मृत्यु हुने शैलुङ–५ की ४५ वर्षीया रत्नकुमारी रावत, २९ वर्षीय किरण रावत, २० वर्र्षीया कविता रावत र १४ वर्षीय निखिल खड्का, सिन्धुपाल्चोक त्रिपुरा सुन्दरी–४ की छ वर्षीया माया श्रेष्ठको पहचिान खुलेको छ भने तीन जना बालकको पहिचान नखुलेको सिन्धुपाल्चोकका प्रहरी नायब उपरीक्षक माधवप्रसाद काफ्लेले बताए ।
दोलखाको मुडे देउरालीबाट काठमाडौँतर्फ आउँदै गरेको बा२ख ७२४५ नम्बरको यात्रुबाहक बस सोमबार दिउँसो सुनकोशी नदीमा खसेको थियो ।