उद्योगी, व्यवसायीद्धारा सरकारको आलोचना

१ मंसिर, हेटौंडा । उद्योगी, व्यवसायीहरुले मारमा पार्ने गरी कर नीति लिएको भन्दै सरकारको चर्को आलोचना गरेका छन ।
आठौं राष्ट्रिय कर दिवसको अवसर पारेर आईतबार काठमाडौंमा आयोजित कार्यक्रममा बोल्दै उधोगी व्यवसायीहरुले सरकारको बर्तमान करनितिको आलोचना गरेका हुन् ।
कार्यक्रममा बोल्दै नेपाल उद्योग वाणिज्य महासंघका वरिष्ठ उपाध्यक्ष शेखर गोल्छा, नेपाल चेम्बर अफ कर्मशका अध्यक्ष राजेशकाजी श्रेष्ठलगायतका उद्योगी, व्यवसायीहरुले खर्चसमेत धान्न नसक्ने गरी करको भार थोपरेको भन्दै सरकारको आलोचना गरे ।
कार्यक्रममा बोल्दै नेपाल उद्योग वाणिज्य महासंघका वरिष्ठ उपाध्यक्ष गोल्छाले प्यान कार्ड अनिवार्य लिने व्यवस्था गरेर सरकारले साना व्यवसायीलाई त्रसित बनाएको आरोप लगाउँदै साना व्यवसायीहरुलाई त्रसित बनाउने गरी कर असुल नगर्न पनि सरकारको गम्भिर ध्यानाकर्षण गराए ।
यस्तै वरिष्ठ उपाध्यक्ष गोल्छाले करको दायरा बढाउने र मुलुकको आर्थिक गतिविधिलाई पारदर्शी बनाउने काममा भने सरकारलाई सक्दो सहयोग गर्ने प्रतिवद्धता व्यक्त गरे ।
नेपाल चेम्बर अफ कमर्शका अध्यक्ष श्रेष्ठले सामान्य खर्च समेत धान्न नसक्ने गरी कर असुली गरेर राज्यले व्यवसायीहरुलाई अप्ठयारोमा पारिरहेको दावी गरे । उनले उधोगी व्यवसायीहरुलार्य अनावस्यक करको भारबाट उन्मुक्ति दिलाई दिन पनि सरकारसँग आग्रह गरे ।