जनकल्याणको साधारणसभा सम्पन्न

७ मंसिर, हेटौँडा । हेटौँडा–६ चौघडामा रहेको जनकल्याण बचत तथा ऋण सहकारी संस्था लिमिटेडको २३ औं बार्षिक साधारणसभा शनिबार सम्पन्न भएको छ ।

सभामा संस्थाका अध्यक्ष हिमाल पौडेलले संस्थागत प्रतिवेदन, उपाध्यक्ष श्यामप्रसाद भट्टराईले ऋण समितिको प्रतिवेदन, कोषाध्यक्ष चेतनाथ खतिवडाले आर्थिक प्रतिवेदन, लेखा सुपरिवेक्षण समितिका संयोजक दिपनराज आचार्यले लेखा परिक्षण प्रतिवेदन प्रस्तुत गरेका थिए । भेलामा विभिन्न विधामा उत्कृष्ट शेयर सदस्य, संचारकर्मी, ज्येष्ठ शेयर सदस्य, उद्यमी, नियमित बचतकर्ता, असल कारोबारी, खेलाडि लगायतलाई सम्मान गरिएको थियो ।

कार्यक्रममा स्वर्गीय जगनाथ पौडेल स्मृति ट्रष्टले बंशगोपाल माविमा अध्ययनरत विनित राई र अनुशा गौतमलाई जनही नगद ५ हजार रुपैँया छात्रबृत्ति प्रदान गरिएको थियो ।

हेटौँडा उपमहानगरपालिकाका मेयर हरिबहादुर महतको प्रमुख आतिथ्यतामा सम्पन्न भएको भेलामा हेटौँडा–६ का वडा अध्यक्ष अर्जुनप्रसाद चौलागाई, मकवानपुर जिल्ला बचत तथा ऋण सहकारी संघकी अध्यक्ष कल्पना श्रेष्ठ, उद्योग संघ हेटौँडाका अध्यक्ष नवराज अर्याल, जिल्ला दुग्ध उत्पादक सहकारी संघका अध्यक्ष बासुदेव अधिकारी, चौघडा सहकारीका अध्यक्ष श्यामप्रसाद श्रेष्ठ, साईराम सहकारीका अध्यक्ष राजेन्द्र पौडेल, सामुदायिक वन उपभोक्ता महासंघका अध्यक्ष साधुराम चौलागाई, न्यूरेनी चिसापानी सामुदायिक वनका अध्यक्ष ज्ञानबहादुर क्षेत्री, संस्थाका सल्लाहकार गणेशकुमार श्रेष्ठ, बद्रीबहादुर पाठक लगायतले मन्तव्य व्यक्त गरेका थिए ।

आव ०७५/०७६ मा शेयर पूँजी २ करोड ४ लाख २५ हजार, कूल सदस्य बचत १२ करोड ३५ लाख र ऋण लगानी १३ करोड ४० लाख ६१ हजार रहेको संस्थाले जनाएको छ । संस्थामा करिब २ हजार ५ सय शेयर सदस्यहरु रहेका छन् ।